கோவை: இந்தியா மற்றும் ஜெர்மனி இடையேயான முதல் எட்டு நாள் கூட்டு போர் பயிற்சி கோவை சூலூர் விமானப்படை தளத்தில் இன்று (ஆகஸ்ட் 6) தொடங்கியது.
இந்திய விமானப்படை தலைமை தளபதி சவுத்ரி மற்றும் ஜெர்மன் விமானப்படை தலைமை தளபதி இங்கோ ஜெர்ஹார்ட்ஸ் ஆகியோர் கோவையில் 8 நாட்கள் தங்கி சூலூர் விமானப்படை தளத்தில் போர் பயிற்சியில் ஈடுபட உள்ளனர்.
முன்னதாக, போர் விமானத்தை இயக்கி, கோவையில் இன்று தரையிறங்கிய ஜெர்மன் விமானப்படைத் தலைவர் இங்கோ கெர்ஹார்ட் செய்தியாளர்களிடம் பேசுகையில், “இந்திய விமானப்படையுடன் முதல் முறையாக கூட்டுப் போர்ப் பயிற்சியை நடத்துவது மகிழ்ச்சி அளிக்கிறது. கோயம்புத்தூர் சூலூர் விமானப்படை தளத்தில் இதுவரை ஆஸ்திரேலியா, ஜப்பான் உள்ளிட்ட நான்கு நாடுகளில் இதுபோன்ற கூட்டுப் போர் பயிற்சியை வெற்றிகரமாக முடித்துள்ளோம்.
இப்போது இந்த பயிற்சியை இந்தியாவில் செய்துள்ளோம். அடுத்த 8 நாட்களுக்கு இந்தக் கூட்டுப் போர்ப் பயிற்சியில் பங்கேற்கும் பல்வேறு நாடுகளைச் சேர்ந்த வீரர்கள் தங்கள் திறன்களை வெளிப்படுத்தவும், விமானப்படையில் உள்ள சமீபத்திய தொழில்நுட்பங்களை அறிந்து கொள்ளவும் இது உதவும்,” என்றார்.
