நாமக்கல்: மார்க்சிஸ்ட் கம்யூனிஸ்ட் கட்சியின் மாநில செயலாளர் கே.பாலகிருஷ்ணன் கூறியதாவது:-
தமிழகத்தில் சமீபகாலமாக என்கவுன்டர்கள் அதிகரித்து வருகின்றன. நாமக்கல் மாவட்டம் பள்ளிபாளையத்தில் மார்க்சிஸ்ட் கம்யூனிஸ்ட் கட்சி சார்பில் தி.மு.க. கந்து வட்டி ஒழிப்பு மாநாடு நேற்று நடந்தது. இதில் பங்கேற்ற கட்சியின் மாநிலச் செயலர் கே.பாலகிருஷ்ணன் பின்னர் நிருபர்களிடம் கூறியதாவது:-
பள்ளிபாளையம் விசைத்தறி தொழிலாளர்கள் நிறைந்த பகுதி. இங்குள்ள மக்கள் தங்களது அன்றாட தேவைக்காகவும், பணப்பற்றாக்குறைக்காகவும் சில தனியார் நிறுவனங்களிடம் கடன் வாங்குகின்றனர்.
கடனை சரியான நேரத்தில் திருப்பிச் செலுத்தாததால், அவர்கள் சிரமத்திற்கு ஆளாகின்றனர். எனவே, மாவட்ட நிர்வாகம் மக்களை கடனில் இருந்து மீட்கவும், கந்துவட்டி மற்றும் குறு நிதிக் குழுமக் கடன்களுக்கான வட்டி விகிதத்தை ஆய்வு செய்து முறைப்படுத்தவும் நடவடிக்கை எடுக்க வேண்டும்.
இலங்கை ராணுவத்தால் தமிழக மீனவர்கள் தொடர்ந்து அவதிப்பட்டு வருகின்றனர். இது தொடர்பாக முதல்வர் மு.க.ஸ்டாலின் பிரதமருக்கு கடிதம் எழுதியும் உரிய நடவடிக்கை எடுக்கப்படவில்லை. இலங்கையில் புதிய அரசிடம் பிரதமர் மோடி பேச்சுவார்த்தை நடத்தி மீனவர் பிரச்னைக்கு தீர்வு காண வேண்டும்.
தமிழகத்தில் என்கவுண்டர்கள் அதிகரித்து வருகின்றன. போலீசார் கூறும் காரணங்கள் நம்பும்படியாக இல்லை. மதுவிலக்கு என்ற பெயரில் ஒரே நாளில் அனைத்து மதுக்கடைகளையும் மூட முடியாது. போதிய விழிப்புணர்வை ஏற்படுத்தி, போதைப் பழக்கத்திலிருந்து விடுபட மதுக்கடைகளை படிப்படியாக மூடலாம்.
தவெக மாநாட்டுக்குப் பிறகு தமிழக அரசியலில் ஏற்பட்டதாகக் கூறப்படும் பெரிய மாற்றங்கள் பற்றிக் கேட்கிறீர்கள். பொறுத்திருந்து பார்ப்போம். இவ்வாறு அவர் கூறினார்.
