சென்னை: கேரள மாநிலம், இடுக்கி மாவட்டம், தேவிகுளம் பகுதியில், அமராவதி ஆற்றின் கிளை நதியான ஸ்பைடர் ஆற்றின் குறுக்கே கேரள அரசு தடுப்பணை கட்டுகிறது. இதுகுறித்து, பத்திரிகைகளில் வெளியான செய்தி அடிப்படையில், தன்னிச்சையாக விசாரித்து வரும் தீர்ப்பாயம், மத்திய சுற்றுச்சூழல், வனம் மற்றும் பருவநிலை மாற்ற அமைச்சகம் மற்றும் தேசிய வனவிலங்கு வாரியத்திடம், கேரள அரசு முறையான அனுமதி பெற்றுள்ளதா என, கேள்வி எழுப்பியது. ஸ்பைடர் ஆற்றின் குறுக்கே தடுப்பணை கட்ட வேண்டும்.
இது தொடர்பாக விரிவான அறிக்கை தாக்கல் செய்யவும் உத்தரவிட்டது. அதன்படி, கேரள நீர்வள ஆணைய தலைமை பொறியாளர் தீர்ப்பாயத்தில் தாக்கல் செய்த அறிக்கை:
ஸ்பைடர் ஆற்றின் குறுக்கே கேரள அரசு தடுப்பணை கட்டவில்லை. ஜல்ஜீவன் மிஷன் திட்டத்தின் கீழ், வத்தவாடா ஊராட்சியை சுற்றியுள்ள கிராமங்களில் உள்ள ஆயிரக்கணக்கான வீடுகளுக்கு குடிநீர் வழங்கும் வகையில், ஸ்பைடர் ஆற்றின் குறுக்கே, ‘வெயர்’ தடுப்பணை, அதாவது, 1 மீட்டர் உயரத்தில் தடுப்பணை கட்டப்பட்டு வருகிறது.
குடிநீர் தேவைக்காக சிறிய அளவிலான தடுப்பணைகளை கட்டுவதற்கு சுற்றுச்சூழல் அனுமதி தேவையில்லை. இதனால், அமராவதி ஆற்றில் தண்ணீர் வருவதில் எந்த பாதிப்பும் ஏற்படாது.
ஸ்பைடர் ஆற்றின் குறுக்கே நடக்கும் கட்டுமானப் பணிகளின் படங்களையும் கேரள நீர்வள ஆணையம் தீர்ப்பாயத்தில் சமர்ப்பித்துள்ளது.
