தமிழக அரசின் நலத்திட்டங்களை திறம்பட செயல்படுத்த மத்திய அரசின் திட்டங்களை குறிப்பிட்ட காலக்கெடுவுக்குள் வெளியிட வேண்டும் என மத்திய பெண்கள் மற்றும் குழந்தைகள் மேம்பாட்டுத்துறை அமைச்சர் அன்னபூர்ணாதேவிக்கு ஸ்டாலின் கடிதம் எழுதியுள்ளார். கடிதத்தில் முதல்வர் கூறியிருப்பதாவது:-
கடந்த ஜனவரி 31-ம் தேதி உங்கள் கடிதத்தில் ரூ. 716.05 கோடி மத்திய அரசின் நிதியுதவி திட்டங்களான மிஷன் சக்ஷம் அங்கன்வாடி & போஷன் 2.0, மிஷன் சக்தி மற்றும் மிஷன் வாத்சல்யா போன்றவற்றுக்கு ஜனவரி 29 வரை செலவிடப்படவில்லை. ஆனால், தமிழகத்தில் அனைத்து நலத்திட்டங்களும் சிறப்பாக செயல்படுத்தப்பட்டு வருவதாகவும், மத்திய அரசின் நிதியுதவி திட்டங்களுக்கு மாநில அரசின் பங்களிப்பும் குறிப்பிட்ட காலக்கெடுவுக்குள் முறையாக செலுத்தப்பட்டு வருகிறது.
பெரும்பாலான சந்தர்ப்பங்களில், மத்திய அரசின் பங்குகள் காலாண்டின் இறுதியில் அல்லது அடுத்த நிதியாண்டின் முதல் காலாண்டில் மட்டுமே வெளியிடப்படுகின்றன. நிதியாண்டு இறுதிக்குள் மத்திய அரசு ஒதுக்கும் தொகையை குறுகிய காலத்துக்குள் மேற்குறிப்பிட்ட திட்டங்களுக்கு பயன்படுத்த முடியாத நிலை உள்ளது. இந்த ரூ. 304 கோடி ஒதுக்கீடு பிரதான் மந்திரி மாத்ரு வந்தனா யோஜனா (PMMVY), மத்திய அரசின் பங்கான ரூ. 184 கோடி நிலுவையில் உள்ளது.
இதனால், உரிய காலத்தில் பயனாளிகளின் வங்கி கணக்கில் வரவு வைக்க முடியவில்லை. இன்றைய நிலவரப்படி ரூ. 576.22 கோடி ஒற்றை நோடல் ஏஜென்சி கணக்குகளில், இந்த நிதியாண்டின் இறுதிக்குள் ரூ. 482.80 கோடி பயன்படுத்தப்படும். மீதமுள்ள தொகை அடுத்த நிதியாண்டுக்கு மத்திய அரசின் பங்காக கொண்டு செல்லப்படும். இந்நிலையில், தமிழக அரசின் நலத்திட்டங்களை திறம்பட செயல்படுத்த, திட்டங்களுக்கான மத்திய அரசின் பங்கை குறிப்பிட்ட காலத்திற்குள் அதாவது அந்தந்த நிதியாண்டுக்குள் விடுவிக்க வேண்டும். இவ்வாறு அந்த கடிதத்தில் முதல்வர் தெரிவித்துள்ளார்.
