தென்காசி: அய்யா வைகுண்டசுவாமியின் 193-வது அவதாரத்தை முன்னிட்டு தென்காசி மாவட்டத்திற்கு மார்ச் 4-ம் தேதி உள்ளூர் விடுமுறை அறிவிக்கப்பட்டுள்ளது. மார்ச் 4-ம் தேதி பொதுத்தேர்வு இருந்தால், மாணவர்களுக்கும் ஆசிரியர்களுக்கும் விடுமுறை பொருந்தாது என தெரிவிக்கப்பட்டுள்ளது. உள்ளூர் விடுமுறையை ஈடு செய்யும் வகையில் மார்ச் 15-ம் தேதி சனிக்கிழமை வேலை நாளாக அறிவிக்கப்பட்டுள்ளது என்று மாவட்ட ஆட்சியர் அறிவித்துள்ளார்.
அய்யா வைகுண்டரின் 193-வது அவதார தினம் வரும் 4-ம் தேதி கொண்டாடப்படுகிறது. அய்யா வைகுண்ட சமுதாயத்தில் ஒடுக்கப்பட்ட மக்களுக்காக போராடினார். அவரது வழியைப் பின்பற்றும் மக்கள் அவரை சிவன், பிரம்மா மற்றும் விஷ்ணு ஆகிய மும்மூர்த்திகளின் ஒருங்கிணைந்த அவதாரமாகக் கருதுகின்றனர். குறிப்பாக தென் மாவட்டங்களைச் சேர்ந்தவர்கள் இவரை வழிபடுகின்றனர். வைகுண்டரின் பிறந்தநாளில், அவரை வணங்கும் மக்கள் அந்தந்த பகுதிகளில் ஊர்வலம் செல்வது வழக்கம். அவரது அவதார தினத்தை கொண்டாடவும், பக்தர்களின் வசதி மற்றும் பாதுகாப்பு கருதி தென் மாவட்டங்களில் உள்ளூர் விடுமுறை அறிவிக்கப்படுவது வழக்கம் என தெரிவிக்கப்பட்டுள்ளது.
