நாமக்கல்: தமிழ்நாடு மணல் லாரி உரிமையாளர்கள் சங்கத் தலைவர் செல்ல.ராசாமணி வெளியிட்டுள்ள அறிக்கையில் கூறியதாவது:- தமிழகம் முழுவதும் அரசு மணல் குவாரிகள் தொடர்ந்து மூடப்பட்டதால் 55,000 மணல் லாரி உரிமையாளர்கள் மற்றும் தொழிலாளர்கள் வேலையில்லாமல் உள்ளனர். தங்கள் வாழ்வாதாரத்தைக் கருத்தில் கொண்டு, தமிழகத்தில் அரசு மணல் குவாரிகளைத் திறக்க அரசு உடனடியாக நடவடிக்கை எடுக்க வேண்டும்.
குவாரி மற்றும் கிரஷர் உரிமையாளர்கள் எம்.சாண்ட், பி.சாண்ட் மற்றும் ஜல்லிக்கற்களின் விலையை யூனிட்டுக்கு ரூ.2,000 வரை உயர்த்தியுள்ளனர். அவர்கள் வேலைநிறுத்தத்தில் ஈடுபட்டால், அமைச்சர் அவர்களை நேரில் அழைத்து பேச்சுவார்த்தை நடத்துவார். ஆனால், மணல் லாரி உரிமையாளர்களை அழைத்து பேச மறுக்கிறார்கள். தமிழகம் முழுவதும் மணல் குவாரிகளை அரசு திறக்க வேண்டும்.
அனைத்து குவாரிகள் மற்றும் கிரஷர்களையும் அரசுக்குச் சொந்தமானதாக மாற்ற வேண்டும், மேலும் ஜல்லி மற்றும் பிற பொருட்களை குறைந்த விலையில் ஆன்லைனில் விற்க வேண்டும். இந்த கோரிக்கைகளை வலியுறுத்தும் வகையில், வரும் 23-ம் தேதி லாரிகளை இயக்காமல் மாநிலம் தழுவிய வேலைநிறுத்தத்தில் ஈடுபட உள்ளோம்.
அதன் பிறகு, தொடர்ச்சியான காத்திருப்பு போராட்டத்தில் ஈடுபட உள்ளோம். இந்த வேலைநிறுத்தத்திற்கு அனைத்து கட்டுமானத் தொழில் சங்கங்களின் ஆதரவையும் நாங்கள் கோருகிறோம். இவ்வாறு அவர் கூறினார்.
