சென்னை: இன்னும் 50 நாட்களில் மதராஸி படம் வெளியாகும் என்று புதிய போஸ்டரை படக்குழுவினர் வெளியிட்டுள்ளனர்.
சிவகார்த்திகேயன் ஏ.ஆர். முருகதாஸ் இயக்கத்தில் தனது 23-வது படமான மதராஸி திரைப்படத்தில் நடித்துள்ளார். இந்த படத்தில் சிவகார்த்திகேயனுடன் இணைந்து ருக்மினி வசந்த், விக்ராந்த், வித்யூத் ஜம்வால், பிஜு மேனன், டான்சிங் ரோஸ் சபீர் ஆகியோர் முக்கிய கதாபாத்திரங்களில் நடித்துள்ளனர்.
இந்த படத்தை ஸ்ரீ லட்சுமி மூவிஸ் நிறுவனம் தயாரிக்க அனிருத் இதற்கு இசை அமைக்கிறார். சில வாரங்களுக்கு முன்பு படத்தின் ஃபர்ஸ்ட்லுக் மற்றும் டைட்டில் டீசரை படக்குழு வெளியிட்டது. மக்களிடம் இந்த வீடியோ பெரும் அளவு வரவேற்பை பெற்றது. திரைப்படம் வரும் செப்டம்பர் 5 ஆம் தேதி வெளியாக இருக்கிறது.
படத்தின் படப்பிடிப்பு பணிகள் நிறைவடைந்து போஸ்ட் ப்ரொடக்ஷன் பணிகள் தீவிரமாக நடைபெற்று வருகிறது. சிவகார்த்திகேயன் நடித்த டாக்டர் திரைப்படத்திற்கு அனிருத் இசையமைத்தது குறிப்பிடத்தக்கது.
இந்நிலையில், திரைப்படம் வெளியாக இன்னும் 50 நாட்களே உள்ள நிலையில், அதை குறிப்பிட்டு படக்குழு போஸ்டர் வெளியிட்டுள்ளது.
