சென்னை: சென்னை பல்கலை பதிவாளர் நேற்று வெளியிட்ட செய்திக்குறிப்பு:-
சென்னை பல்கலையின், 166-வது பட்டமளிப்பு விழா, வரும், 24-ம் தேதி, பல்கலை ஆட்சி மன்றக் குழு அரங்கில் நடக்கிறது. விழாவிற்கு தமிழக கவர்னர் ஆர்.என்.ரவி, பல்கலைக்கழக வேந்தர் தலைமை தாங்குகிறார்.
அமைச்சர் பொன்முடி சிறப்புரையாற்றுகிறார். இந்திய அணுசக்தி கழகத்தின் முன்னாள் தலைவரும், மும்பை ஹோமிபாபா நேஷனல் இன்ஸ்டிடியூட் அதிபருமான அனில் ககோட்கர் சிறப்பு விருந்தினராக கலந்து கொண்டு மாநாட்டில் உரையாற்றுகிறார். இவ்வாறு அதில் கூறப்பட்டுள்ளது.
சென்னை பல்கலைக்கழகத்திற்கு கடந்த ஓராண்டாக துணைவேந்தர் நியமிக்கப்படவில்லை. தற்போது ஒருங்கிணைப்புக் குழு பல்கலைக்கழக நிர்வாகத்தை கவனித்து வருகிறது. இந்நிலையில் தற்போது நடைபெறும் பட்டமளிப்பு விழா துணைவேந்தர் இல்லாமலேயே நடைபெற்று வருகிறது.
167 ஆண்டுகள் பழமையான இப்பல்கலைக்கழகத்தில் துணைவேந்தர் இல்லாமல் பட்டமளிப்பு விழா நடைபெறுவது இதுவே முதல் முறை.
