மாண்டியா: ”காவிரி மேலாண்மை ஆணையம் உத்தரவிட்டதை விட, தமிழகத்திற்கு அதிகளவு தண்ணீர் வந்துள்ளது,” என, வேளாண் துறை அமைச்சர் செலுவராயசாமி தெரிவித்தார்.
மாண்டியாவில் நேற்று அவர் அளித்த பேட்டி:
தமிழகத்துக்கு தினமும் 1 டிஎம்சி தண்ணீர் திறந்துவிட கர்நாடக அரசுக்கு காவிரி மேலாண்மை ஆணையம் உத்தரவிட்டுள்ளது. அதிர்ஷ்டவசமாக கபினி பாசன பகுதிகளில் நல்ல மழை பெய்து வருவதால் அணையின் நீர்மட்டம் அதிகரித்துள்ளது. அதனால் தமிழகத்திற்கு 18,000 முதல் 20,000 கன அடி தண்ணீர் வந்துள்ளது.
இதேபோல், தொடர்ந்து 10 நாட்களுக்கு மழை பெய்தால், இந்த மாதம் தமிழகத்திற்கு திறக்கப்பட வேண்டிய தண்ணீரின் அளவு தீர்ந்துவிடும். ஹேமாவதி அணையிலும் நீர் இருப்பு திருப்திகரமாக உள்ளது. கேஆர்எஸ் அணைக்கு நீர்வரத்து குறைந்துள்ளது. ஹேமாவதி மற்றும் ஹாரங்கி அணைகள் இன்னும் நான்கைந்து நாட்களில் நிரம்ப வாய்ப்புள்ளது.
KRS தற்போது நிரம்பவில்லை. 104 அடி தண்ணீர் மட்டுமே உள்ளது. இதனால் ஏரி, கால்வாய்களை திறக்க முடியாத நிலை ஏற்பட்டுள்ளது. ஜூலை, 15க்கு பின், நெல் அறுவடை பணி துவங்க வேண்டும். ஆனால், விவசாயிகள் தண்ணீர் இருப்பு குறித்து அக்கறை எடுத்து விவசாயம் செய்ய கோரிக்கை விடுக்கப்பட்டுள்ளது.
முடாவுக்கு வீடு வழங்குவதில் முதல்வர் சித்தராமையா எந்த முறைகேடும் செய்யவில்லை. இவரது மனைவி பெயரில் உள்ள நிலத்தை மூடா நிறுவனம் சட்டவிரோதமாக ஆக்கிரமித்து, வீட்டுமனைகளாக விற்பனை செய்து வந்துள்ளது. இதை ஒப்பு கொண்டு, மாற்று நிலம் வழங்கினர். பா.ஜ., ஆட்சி காலத்தில் செய்த தவறுகளை மூடி மறைக்க, சித்தராமையா மீது குற்றம் சாட்டுகின்றனர். இவ்வாறு அவர் கூறினார்.
