அமைச்சர் ஐ. பெரியசாமி உடல்நலக் குறைவால் மருத்துவமனையில் அனுமதி

மதுரை: உடல்நலக் குறைவு காரணமாக அமைச்சர் ஐ. பெரியசாமி மதுரையில் உள்ள தனியார் மருத்துவமனையில் அனுமதிக்கப்பட்டுள்ளார்.

திமுகவின் மூத்த அமைச்சர்களில் ஒருவரான திண்டுக்கல் ஐ. பெரியசாமி, உடல்நலக் குறைவு காரணமாக மதுரை மாட்டுத்தாவணி பகுதியில் உள்ள தனியார் மருத்துவமனையில் அனுமதிக்கப்பட்டுள்ளார்.

மருத்துவமனை நிர்வாகம் கூறுகையில், “அமைச்சர் ஐ. பெரியசாமி வயிற்று வலி உள்ளிட்ட சிறிய உடல்நலக் குறைவுகளுக்காக 2 நாட்களுக்கு முன்பு மருத்துவமனையில் அனுமதிக்கப்பட்டார்.

அவருக்கு மருத்துவ பரிசோதனைகள் மேற்கொள்ளப்பட்டன. அதன் அடிப்படையில், அமைச்சருக்கு மருத்துவர்கள் உரிய சிகிச்சை அளித்து வருகின்றனர். தற்போது அவர் குணமடைந்து வருகிறார்.”