சென்னை: சென்னை பல்லவன் மாளிகையில், பொதுமக்கள் பயன்பாட்டுக்காக, கீழ்தள பேருந்துகள் உட்பட 100 புதிய பேருந்துகளை அமைச்சர் உதயநிதி ஸ்டாலின் கொடியசைத்து தொடங்கி வைத்தார். பேருந்துகளில் தானியங்கி கதவுகள், டிஜிட்டல் போர்டு, சிசிடிவி கேமரா, மாற்றுத்திறனாளிகளுக்கான பிரத்யேக இருக்கைகள் ஆகியவை பொருத்தப்பட்டுள்ளன.
சென்னை நகர மக்களின் போக்குவரத்தில் மாநகரப் பேருந்துகள் முக்கியப் பங்கு வகிக்கின்றன. மக்கள் சிரமமின்றி பயணிக்கும் வகையில், முதல்வர் உத்தரவின்படி, போக்குவரத்து துறை மூலம் கூடுதல் பஸ்கள் வாங்கப்பட்டுள்ளன.
இந்த வகையில் இன்று சென்னை பல்லவன் இல்லத்தில் மாநகர போக்குவரத்து கழகம் சார்பில் கீழ்தள பேருந்துகள் உட்பட 100 புதிய பேருந்துகளின் சேவையை கொடியசைத்து தொடங்கி வைத்தோம். மேலும் புதிய பேருந்தில் சிறிது தூரம் பயணம் செய்து அதன் உள்கட்டமைப்பு மற்றும் தரம் குறித்து ஆய்வு செய்தார். இந்த புதிய பேருந்துகளின் சேவை மாற்றுத் திறனாளிகள் உட்பட அனைத்து தரப்பு மக்களின் பயணத்தை எளிதாக்கட்டும்.
