சென்னை: கிண்டியில் உள்ள ஆளுநர் மாளிகையில் ‘நவராத்திரி கொலு’ செப்டம்பர் 22 முதல் அக்டோபர் 1 வரை நடைபெறும். ஆளுநர் ஆர்.என்.ரவி கொலு கொண்டாட்டைத் தொடங்கி வைப்பார். தினமும் மாலை 4 மணி முதல் 5 மணி வரை நடைபெறும் வழிபாட்டு நிகழ்ச்சியிலும், மாலை 5 மணி முதல் 6 மணி வரை நடைபெறும் கலாச்சார நிகழ்ச்சிகளிலும் தனிநபர்கள், பொதுமக்கள் மற்றும் மாணவர்கள் பார்வையாளர்களாக பங்கேற்கலாம்.
ஆர்வமுள்ள தனிநபர்கள், பொதுமக்கள் மற்றும் கல்வி நிறுவனங்கள் செப்டம்பர் 20-ம் தேதிக்குள் https://tnrajbhavantour.tn.gov.in/navaratri/ என்ற இணையதள இணைப்பைப் பயன்படுத்தி பதிவு செய்யுமாறு கேட்டுக் கொள்ளப்படுகிறார்கள். பதிவில் அவர்களின் பெயர், வயது, பாலினம், முகவரி, மொபைல் எண், மின்னஞ்சல் முகவரி மற்றும் வருகை தேதி ஆகியவை இருக்க வேண்டும்.
ஒரு நாளைக்கு அதிகபட்சமாக 200 பார்வையாளர்கள் ‘முதலில் வருபவர்களுக்கு முன்னுரிமை’ என்ற அடிப்படையில் அனுமதிக்கப்படுவார்கள். வேட்பாளர்களுக்கு அவர்களின் முன்பதிவு செய்யப்பட்ட தேதி மற்றும் நேரத்தை உறுதிப்படுத்தும் மின்னஞ்சல் அனுப்பப்படும். வேட்பாளர்கள் தங்களுக்கு ஒதுக்கப்பட்ட நேரத்திற்கு குறைந்தது 30 நிமிடங்களுக்கு முன்னதாக கேட் எண் 2 (2) வழியாக ஆளுநர் மாளிகைக்கு வர வேண்டும்.
அவர்கள் உறுதிப்படுத்தப்பட்ட மின்னஞ்சலின் நகல் மற்றும் அசல் புகைப்பட அடையாள அட்டையை கொண்டு வர வேண்டும். ஆர்வமுள்ள வெளிநாட்டினரும் ‘நவராத்திரி கொலு 2025’ கொண்டாட்டங்களில் பங்கேற்கலாம், ஆனால் அவர்களின் அசல் பாஸ்போர்ட்டுகள் மட்டுமே அடையாளச் சான்றாக ஏற்றுக்கொள்ளப்படும் என்று ஆளுநர் அலுவலகம் நேற்று வெளியிட்ட அறிக்கையில் தெரிவித்துள்ளது.
