நெல்லை மனோன்மணியம் சுந்தரனார் பல்கலைக்கழகம் இன்று நடத்த வேண்டியிருந்த “இன்டஸ்ட்ரியல் லா” பாடத்திற்கான தேர்வை திடீரென ஒத்திவைத்துள்ளது. பல்கலைக்கழகத்தின் கீழ் இயங்கும் 106 கல்லூரிகளிலும் இந்த தேர்வு ஒத்திவைக்கப்பட்டுள்ளது.தேர்வு எழுத தயாராக இருந்த மாணவர்கள் முடிவில் பெரும் அதிர்ச்சியடைந்தனர்.
வினாத்தாள் கசியும் விவகாரமே இதற்குக் காரணம் என அறிவிக்கப்பட்டுள்ளது. இதனால், அந்த பாடத்திற்கான அனைத்து வினாத்தாள்களும் கல்லூரிகளில் இருந்து திரும்ப பெறப்பட்டு வருகின்றன.தென் மாவட்டங்களில் முக்கியப் பல்கலைக்கழகமாக உள்ள மனோன்மணியம் சுந்தரனார் பல்கலை, நெல்லை, தென்காசி, தூத்துக்குடி, குமரி உள்ளிட்ட பகுதிகளில் உள்ள பல கல்லூரிகளைக் கட்டுப்படுத்தி செயல்படுகிறது.
தற்போது இங்கு செமஸ்டர் தேர்வுகள் நடைபெற்று வருகின்றன.அந்த வகையில் இன்று “இன்டஸ்ட்ரியல் லா” தேர்வு நடைபெற இருந்தது. ஆனால் தேர்வு நடைபெறும் நேரத்திற்கு முன்பே வினாத்தாள் கசியும் தகவல் பரவியது. பல்கலை நிர்வாகம் உடனடியாக நடவடிக்கை எடுத்து தேர்வை ஒத்திவைத்தது.வினாத்தாள் எவ்வாறு கசியப்பட்டது என்பதற்கான விசாரணை தொடங்கியுள்ளது.
இது மாணவர்களின் எதிர்பார்ப்புக்கும், நேரத்துக்கும் பெரிய பின்னடைவாக உள்ளது. வினாத்தாள் கசியும் சம்பவங்கள் மீண்டும் மீண்டும் நடைபெறுவது கல்வி தரத்திற்கே கேள்விக்குறி எழுப்புகிறது.இந்த தேர்வுக்கான புதிய தேதி விரைவில் அறிவிக்கப்படும் என பல்கலைக்கழகம் கூறியுள்ளது. மாணவர்கள் மற்றும் பெற்றோர்கள் தற்போது குழப்பத்தில் உள்ளனர். தேர்வு எழுத மனதளவில் தயாராகியிருந்த மாணவர்கள் இந்நிலையில் ஏமாற்றமடைந்துள்ளனர்.பல்கலை தேர்வுகள் குறித்த பாதுகாப்பு நடவடிக்கைகள் மேலும் கட்டுப்படுத்தப்பட வேண்டிய அவசியம் இச்சம்பவத்தால் எழுந்துள்ளது.
