சென்னை: செங்கல்பட்டு தனியார் பள்ளி மாவட்ட இயக்குனர் அங்கைகன்னி பள்ளியை நேரில் ஆய்வு செய்தார். ஹோலி பேமலி கான்வென்ட் பள்ளியில் 2-ம் பருவக் கட்டணம் திடீரென உயர்த்தப்பட்டது.
சென்னை கட்டளைக்கு உட்பட்ட தனியார் பள்ளியில் கட்டண உயர்வு குறித்து அதிகாரி விசாரணை நடத்தி வருகிறார். மடிப்பாக்கம், மேடவாக்கம் பிரதான சாலையில் பிரபல தனியார் பள்ளி இயங்கி வருகிறது.
இங்கு எல்கேஜி முதல் 12-ம் வகுப்பு வரை ஏராளமான மாணவ, மாணவிகள் படித்து வருகின்றனர். இந்நிலையில், எந்தவித முன்னறிவிப்பும் இன்றி மாணவர்களுக்கான கல்விக் கட்டணத்தை உயர்த்தியுள்ளதாக பள்ளி நிர்வாகம் அறிவித்துள்ளது.
குறிப்பாக, 1-ம் வகுப்புக்கான கட்டணம் ரூ.4 ஆயிரத்தில் இருந்து ரூ.9,500 ஆகவும், 5-ம் வகுப்புக்கு ரூ.4,500-ல் இருந்து ரூ.11,500 ஆகவும், 10-ம் வகுப்புக்கு ரூ.6 ஆயிரத்தில் இருந்து ரூ.11 ஆயிரமாகவும் உயர்த்தப்பட்டுள்ளது. இதை அறிந்த மாணவர்களின் பெற்றோர் அதிர்ச்சி அடைந்தனர்.
இதையடுத்து, உயர்த்தப்பட்ட கட்டணத்தை திரும்பப் பெறுமாறு பள்ளி நிர்வாகத்திடம் பெற்றோர் பேச்சுவார்த்தை நடத்தினர். ஆனால் பலனில்லை. இதனால் ஆத்திரமடைந்த பெற்றோர் நேற்று காலை பள்ளி முன் திரண்டனர்.
திடீரென பள்ளியை முற்றுகையிட்டு கோஷமிட்டனர். பின்னர் பள்ளி முன் சாலையில் அமர்ந்து மறியலில் ஈடுபட்டனர். இதனால் மேடவாக்கம் – பரங்கிமலை சாலையில் ஒரு மணி நேரத்திற்கும் மேலாக போக்குவரத்து பாதிக்கப்பட்டது.
தகவல் அறிந்ததும் மடிப்பாக்கம் போலீசார் சம்பவ இடத்துக்கு விரைந்து வந்து போராட்டத்தில் ஈடுபட்ட பெற்றோரிடம் பேச்சுவார்த்தை நடத்தினர். பின்னர் பள்ளி நிர்வாகத்தையும் அழைத்து பேச்சுவார்த்தை நடத்தப்பட்டது.
பின்னர், பழைய கட்டண முறைகளை வசூலிக்க அறிவிப்பு வெளியிடப்படும். புதிய கட்டண முறை வாபஸ் பெறப்படும் என பள்ளி நிர்வாகம் உறுதி அளித்தது. அதன்பின் அனைவரும் மறியலை கைவிட்டு கலைந்து சென்றனர்.
இந்நிலையில், இன்று சென்னை கட்டளைக்கு உட்பட்ட தனியார் பள்ளியில் கட்டண உயர்வு குறித்து அதிகாரிகள் விசாரணை நடத்தினர். கல்வியாண்டின் நடுப்பகுதியில் தனியார் பள்ளிகள் கட்டணத்தை உயர்த்தக் கூடாது என உத்தரவு பிறப்பித்துள்ளார்.
செங்கல்பட்டு தனியார் பள்ளி மாவட்ட இயக்குனர் அங்கைக்கனி, பள்ளியில் நேரில் ஆய்வு செய்தார்.
