சென்னை: தமிழ்நாடு பள்ளிக் கல்வித் துறையின் கீழ் 37,553 அரசுப் பள்ளிகள் இயங்கி வருகின்றன. இவற்றில் சுமார் 52 லட்சம் மாணவர்கள் படிக்கின்றனர். மாணவர்களின் நலனுக்காக கற்பித்தல், கற்றல் சார்ந்த எண்கணிதம், காலை உணவு, ஸ்மார்ட் வகுப்பறைகள் உள்ளிட்ட பல்வேறு நலத்திட்டங்கள் செயல்படுத்தப்பட்டுள்ளன. இதற்கிடையில், 2025-26 கல்வியாண்டிற்கான அரசுப் பள்ளிகளில் மாணவர் சேர்க்கை மார்ச் 1 முதல் தொடங்கி நடைபெற்று வருகிறது.
பல பெற்றோர்கள் தங்கள் குழந்தைகளை ஆர்வத்துடன் சேர்த்து வருகின்றனர். இதுவரை 1.79 லட்சம் மாணவர்கள் சேர்க்கப்பட்டுள்ளனர். இந்த ஆண்டு 3 லட்சம் மாணவர்களைச் சேர்க்க இலக்கு நிர்ணயிக்கப்பட்டுள்ளது. கோடை விடுமுறைக்குப் பிறகு பள்ளிகள் திறக்க இன்னும் 16 நாட்கள் மட்டுமே உள்ள நிலையில், சேர்க்கைப் பணிகளைத் தீவிரப்படுத்த தலைமையாசிரியர்களுக்கு அறிவுறுத்தப்பட்டுள்ளது.
மேலும், அங்கன்வாடி மையங்களில் படிப்பை முடித்த 5 வயதுக்கு மேற்பட்ட குழந்தைகளை அரசுப் பள்ளிகளில் சேர்ப்பதற்கான பணிகள் நடைபெற்று வருவதாக துறை அதிகாரிகள் தெரிவித்தனர்.
