பள்ளிகளில் 6 முதல் 9-ம் வகுப்பு மற்றும் பிளஸ் 1 வரை படிக்கும் மாணவர்களுக்கான அரையாண்டுத் தேர்வுக்கான கால அட்டவணை பாட வாரியாக வெளியிடப்பட்டுள்ளது. தமிழகத்தில் அனைத்து வகைப் பள்ளிகளிலும் டிசம்பர் 9 முதல் 23 வரை அரையாண்டுத் தேர்வுகள் நடைபெறும் என பள்ளிக் கல்வித்துறை அறிவித்திருந்தது.
இதில் 1 முதல் 5-ம் வகுப்பு வரையிலான தேர்வுகள் டிசம்பர் 16-ம் தேதி முதல் 23-ம் தேதி வரை நடைபெறும். 6-ம் வகுப்பு முதல் பிளஸ் 2 வரை டிசம்பர் 9 முதல் 23-ம் தேதி வரை தேர்வுகள் நடைபெற உள்ளன. இருப்பினும் 10-ம் வகுப்பு மற்றும் பிளஸ் 2 வகுப்புகளுக்கு மட்டும் முழு நேர அட்டவணை வெளியிடப்பட்டுள்ளது. மீதமுள்ள வகுப்புகளுக்கான அட்டவணை வெளியிடப்படும் என தெரிவிக்கப்பட்டுள்ளது. விரைவில் வெளியிடப்பட்டது.
இந்நிலையில் 6 முதல் 9-ம் வகுப்பு மற்றும் பிளஸ் 1 வகுப்புகளுக்கான முழு தேர்வு அட்டவணை தற்போது வெளியிடப்பட்டுள்ளது. அதன்படி, 6 முதல் 9-ம் வகுப்பு மாணவர்களுக்கு தமிழ் பாடத் தேர்வுகள் டிசம்பர் 9-ம் தேதியும், விருப்ப மொழி 10-ம் தேதியும், ஆங்கிலம் 12-ம் தேதியும், கணிதம் 16-ம் தேதியும், உடற்கல்வி 18-ம் தேதியும், அறிவியல் பாடத் தேர்வு டிசம்பர் 20-ம் தேதியும், டிசம்பர் 230-ம் தேதி சமூக அறிவியல் தேர்வுகள் நடைபெறும்.
இதேபோல் பிளஸ் 1 வகுப்புக்கும் பாட வாரியாக அட்டவணை வழங்கப்பட்டுள்ளது. இதில், 6, 8-ம் வகுப்புகளுக்கு காலையிலும், 7, 9, பிளஸ் 1 வகுப்புகளுக்கு மதியம் தேர்வுகள் நடக்கிறது. 1 முதல் பிளஸ் 2 வரை படிக்கும் மாணவர்களுக்கு, டிச., 24 முதல், ஜனவரி, 1-ம் தேதி வரை அரையாண்டு விடுமுறை அளிக்கப்படுகிறது. இந்த விடுமுறை முடிந்து ஜனவரி 2-ம் தேதி பள்ளிகள் திறக்கப்படும் என பள்ளிக் கல்வித்துறை தெரிவித்துள்ளது.
