சென்னை: சென்னை ரயில்வே கோட்டத்திற்கு உட்பட்ட அனைத்து ரயில் நிலையங்களிலும் கியூஆர் குறியீடு கட்டண முறை அமல்படுத்தப்பட்டுள்ளது. முன்பதிவு செய்யப்படாத டிக்கெட்டுகள், பிளாட்பார்ம் டிக்கெட்டுகள் மற்றும் முன்பதிவு செய்யப்பட்ட டிக்கெட்டுகளுக்கான அனைத்து டிக்கெட் கவுன்டர்களிலும் QR குறியீடு சாதனங்கள் நிறுவப்பட்டுள்ளன.
பணம் செலுத்தும் முறையை சீரமைக்கவும், பணம் கையாளும் சிக்கலைத் தவிர்க்க டிக்கெட் முறையை எளிமைப்படுத்தவும் இந்தத் திட்டம் செயல்படுத்தப்பட்டுள்ளது. டிக்கெட் மையங்களில் QR குறியீட்டை ஸ்கேன் செய்த பிறகு, UPI ஆப்ஸ் மூலம் டிக்கெட் கட்டணத்தைச் செலுத்தலாம்.
கட்டணம் செலுத்தி உறுதிப்படுத்தியவுடன் டிக்கெட் வழங்கப்படும். இந்த திட்டம் டிக்கெட் மையத்தில் காத்திருக்கும் நேரத்தை குறைக்கவும், பயணிகளுக்கு வசதியான பயணத்தை வழங்கவும் உதவும்.
