சென்னை: தமிழக பள்ளி பாடத்திட்டத்தில், அரசு, அரசு உதவி பெறும் மற்றும் தனியார் பள்ளிகளில் 6 முதல் 12-ம் வகுப்பு வரை படிக்கும் மாணவர்களுக்கு, ஆண்டுதோறும் செப்டம்பர் மாதம் காலாண்டு தேர்வு நடத்தப்படுகிறது.
இந்த வகையில் நடப்பு கல்வியாண்டில் 11 மற்றும் 12-ம் வகுப்பு படிக்கும் மாணவர்களுக்கான தேர்வு நேற்று முதல் தொடங்கியது. இந்த வகுப்புகளுக்கான தேர்வு செப்., 27-ல் முடிகிறது.
அதேபோல், 6-ம் வகுப்பு முதல் 10-ம் வகுப்பு வரை படிக்கும் மாணவர்களுக்கு காலாண்டு தேர்வு இன்று முதல் செப்டம்பர் 27-ம் தேதி வரை வரை நடக்கிறது.
இதையடுத்து, செப்., 28 முதல் அக்., 2 வரை பள்ளி மாணவர்களுக்கு காலாண்டு விடுமுறை அளிக்கப்படுகிறது.
