சென்னை: சென்னையில் உள்ள அனைத்து முக்கியமான திரையரங்குகளிலும் வெளிவரும் படங்களின் விளம்பரப் பலகைகள் வைக்கப்பட்டிருந்தன. இது குறித்து சென்னை மாநகராட்சி பல எச்சரிக்கைகளை விடுத்திருந்தது.
ஆனால், இதுகுறித்து தியேட்டர் நிர்வாகம் எந்த நடவடிக்கையும் எடுக்கவில்லை. இந்நிலையில், சென்னை மாநகராட்சியின் அதிரடி நடவடிக்கையால், முக்கிய திரையரங்குகளில் வைக்கப்பட்டிருந்த விளம்பர பலகைகள் அனைத்தும் அகற்றப்பட்டுள்ளன.
காசி தியேட்டர், உட்லண்ட்ஸ் தியேட்டர் உள்ளிட்ட திரையரங்குகளுக்கு வெளியே வைக்கப்பட்டிருந்த விளம்பர பேனர்கள் அகற்றப்பட்டுள்ளன. மேலும், இது தொடர்ந்தால் கடும் நடவடிக்கை எடுக்கப்படும் என எச்சரிக்கை விடுக்கப்பட்டுள்ளது.
இதனிடையே, சென்னை மாநகராட்சியின் இந்த நடவடிக்கையை உடனடியாக கைவிடுமாறு சென்னை மேயருக்கு திரையரங்கு உரிமையாளர்கள் கோரிக்கை விடுத்துள்ளனர்.
இதுகுறித்து, சென்னை மேயருக்கு அனுப்பியுள்ள மனுவில், “புதிய படங்கள் சில நாட்கள் மட்டுமே ஓடும் இக்காலத்தில் விளம்பர பேனர்கள் மிக முக்கியமானவை. தியேட்டர்களில் பேனர்கள் வைக்கப்படாவிட்டால், பாதிப்பு ஏற்படும் அபாயம் உள்ளது.
எனவே, ரசிகர்களின் வருகைக்கு, சென்னை மாநகராட்சியின் விளம்பர பேனர்களை அகற்றுவதில் இருந்து திரையரங்கு உரிமையாளர்களுக்கு விலக்கு அளிக்க வேண்டும்” என்று திரையரங்கு உரிமையாளர்கள் கோரிக்கை விடுத்துள்ளனர்.
