சென்னை: சென்னை காவல்துறையின் வடக்கு மண்டல போக்குவரத்து இணை ஆணையராக மகேஷ்குமார் பணியாற்றி வந்தார். தமிழக அரசு நடத்திய குரூப்-1 தேர்வில் தேர்ச்சி பெற்று டிஎஸ்பியாக பணியில் சேர்ந்தார். பின்னர் ஐபிஎஸ் அந்தஸ்து பெற்றார். இவர் மீது போக்குவரத்து காவல் துறையில் பணிபுரியும் இரண்டு பெண் போலீசார் சமீபத்தில் டிஜிபி அலுவலகத்தில் புகார் அளித்தனர். பெண் போலீஸ் அதிகாரி ஒருவர் அளித்த புகாரில், ‘இணை கமிஷனர் மகேஷ்குமார் தன்னை பாலியல் ரீதியாக துன்புறுத்துகிறார். மேலும், இரட்டை அர்த்தத்தில் பேசுகிறார்.
அடிக்கடி வாட்ஸ்அப்பில் போன் செய்து மீறுகிறார், தனியாக இருக்கச் சொல்கிறார். மற்றொரு பெண் போலீஸ் அதிகாரி அளித்த புகாரில், ‘இரவு ரோந்து என்ற பெயரில் இரவில் பணியில் இருந்த என்னை இணை கமிஷனர் மகேஷ்குமார் பாலியல் ரீதியாக துன்புறுத்தினார். அவரது விருப்பத்திற்கு இணங்க மறுத்தால் என்னை பதவி நீக்கம் செய்து விடுவதாக மிரட்டினார். அவர் என்னை தனது அலுவலகத்தில் பணியமர்த்தி பாலியல் தொல்லை கொடுத்துள்ளார். இது போலீஸ் அதிகாரிகள் மத்தியில் அதிர்ச்சியை ஏற்படுத்தியது. இதையடுத்து, காவல் துறையில் பாலியல் புகார்களை விசாரிக்க அமைக்கப்பட்ட சிவில் சப்ளை சிஐடி பிரிவு டிஜிபி சீமா அகர்வால் தலைமையிலான ‘விசாகா கமிட்டி’ இந்த புகார்களை விசாரித்து அறிக்கை சமர்ப்பிக்குமாறு டிஜிபி சங்கர் ஜிவால் உத்தரவிட்டிருந்தார்.
அதன்படி விசாகா கமிட்டி 2 பெண் போலீசாரிடம் விசாரணை நடத்தியது. மேலும், தொலைபேசி அழைப்புகள், வாட்ஸ்அப் தகவல்கள் உள்ளிட்ட பல்வேறு டிஜிட்டல் ஆதாரங்கள் சேகரிக்கப்பட்டன. பின்னர், விசாரணை அறிக்கை டிஜிபி சங்கர் ஜிவாலிடம் சமர்ப்பிக்கப்பட்டது. இணை கமிஷனர் மகேஷ் குமார், பெண் போலீஸ் அதிகாரிகளை பாலியல் வன்கொடுமை செய்தது உறுதியானது. மேலும் அவர் மீது உரிய நடவடிக்கை எடுக்கவும் பரிந்துரை செய்துள்ளது.
இதையடுத்து, குற்றம்சாட்டப்பட்ட இணை கமிஷனர் மகேஷ்குமார், நேற்று முன்தினம் இரவு, காத்திருப்போர் பட்டியலுக்கு மாற்றப்பட்டார். இந்நிலையில் அவரை சஸ்பெண்ட் செய்து உள்துறை செயலாளர் தீரஜ்குமார் நேற்று உத்தரவு பிறப்பித்தார். இந்நிலையில், மகேஷ்குமாருடன் உடந்தையாக செயல்பட்ட மாதவரம் போக்குவரத்து போலீஸ் இன்ஸ்பெக்டர் சக்திவேலை காத்திருப்போர் பட்டியலுக்கு மாற்றி, போலீஸ் கமிஷனர் அருண் நேற்று உத்தரவு பிறப்பித்தார்.
