சென்னையில் நாம் தமிழர் கட்சி தலைவர் சீமான் கூறியதாவது, தமிழின் சங்க இலக்கியங்களில் ‘கள்’ என்பது ஒரு மூலிகைச் சாறு என்றும், அதியமான் மற்றும் அவ்வையார் போன்ற பெரும் சான்றோர்கள் கூட கள்ளை உண்டு புகழ்ந்துள்ளனர் என்றும் தெரிவித்து, புதிய விவாதத்திற்கு வாத்தியம் போட்டுள்ளார். தற்போது டாஸ்மாக் மதுபானக் கடைகள் மூலம் ஏற்படும் உயிரிழப்புகளை சுட்டிக்காட்டிய அவர், கள் என்பது உயிருக்கு ஆபத்தில்லை என்றும் வலியுறுத்தினார்.
திருச்செந்தூர் மற்றும் குலசேகரப்பட்டினம் உள்ளிட்ட பகுதிகளில் ஜூன் 15ஆம் தேதி கள் இறக்க அனுமதி கோரிக்கையாக பனை மரம் ஏறும் போராட்டம் நடத்த திட்டமிடப்பட்டுள்ளது. இதற்கான பயிற்சியை தான் மேற்கொண்டு வருவதாக சீமான் கூறியுள்ளார். பனை ஏறும் கலையை மீண்டும் உயிர்ப்பிப்பது தான் தன்னுடைய நோக்கம் என்றும், இதற்கு கடந்த சில நாட்களாக பணி செய்து வருவதாகவும் தெரிவித்தார்.
இந்நிலையில், பெரியதாழையில் நடைபெறவுள்ள முதல் கட்ட போராட்டத்தில் சீமான் பங்கேற்க உள்ளார். “மீன் குஞ்சுக்கு கடலில் நீந்த சொல்லி கற்றுக்கொடுக்க தேவையில்லை; எனக்கும் பனை ஏறத் தெரியும். சிறிது பயிற்சி மட்டும் போதுமானது,” என்று அவர் உருக்கமாக கூறினார்.
தமிழ்நாட்டில் ஒருபோது 15 கோடி பனை மரங்கள் இருந்தனவென அவர் குறிப்பிட்டார். தற்போது அவை 5 கோடிக்கு மட்டுமே குறைந்துள்ளன. அதனால் தான் ‘பல கோடி பனை’ திட்டம் அறிவிக்கப்பட்டதாகவும், பனை மரத்தின் ஒவ்வொரு பகுதியும் பயன்படக்கூடியது என்றும் அவர் விளக்கினார்.
பனையில் இருந்து சுமார் 840 பொருட்கள் தயாரிக்கப்படலாம் என்றும், கள் என்பது மூலிகைச் சாறு என்ற வகையில் உடலுக்கு தீங்கில்லாதது என்றும் அவர் வலியுறுத்தினார். “பானையில் சுண்ணாம்பு தடவி வைத்தால் அது பதநீர்; தடவாமலே எடுத்தால் அது கள். அந்த களை குடித்து யாரும் இறந்ததில்லை. ஆனால் டாஸ்மாக் மதுபானத்தை குடித்து விதவைகள் உருவாகின்றனர்,” என்று கடுமையாக விமர்சித்தார்.
இந்தியாவின் பிற மாநிலங்களில் கள் இறக்கம் நடைபெறுவது சாதாரணம். ஆனால் தமிழ்நாட்டில் மட்டும் அனுமதி மறுக்கப்படுகிறது. காரணமாக, டாஸ்மாக் மதுபானம் விநியோகிக்கும் நிறுவனங்கள் அரசியல் ஆதரவாளர்களின் கட்டுப்பாட்டில் உள்ளதாக சீமான் குற்றம்சாட்டினார். இதனால் அவர்களின் வருமானம் பாதிக்கப்படக்கூடாது என்பதற்காகவே கள் இறக்க அனுமதி மறுக்கப்படுவதாக அவர் தெரிவித்துள்ளார்.
இந்தப் பேச்சு சமூகத்தில் பரபரப்பை ஏற்படுத்தியுள்ளது. கள் குறித்து மாறுபட்ட பார்வைகள் நிலவினாலும், சீமான் முன்வைக்கும் இந்த பாரம்பரிய நோக்கம் மற்றும் அரசியல் விமர்சனங்கள் விவாதத்திற்கு வழிவகுக்கின்றன.
