ராமேஸ்வரம்: புதுக்கோட்டை மாவட்டம், நெடுந்தீவு அருகே உள்ள கோட்டப்பட்டினம் மீன்பிடி இறங்குதுறையில் இருந்து கடலுக்குச் சென்ற கலைவாணன் என்பவரது விசைப் படகை இலங்கை கடற்படையினர் பறிமுதல் செய்தனர். அந்த படகில் இருந்த கே.ரமேஷ் (27), ஆர்.ஜானகிராமன் (27), டி.கிருஷ்ணன் (68), குமார் (40), யு.ரமேஷ் (51), ராஜ் (55) ஆகிய 6 மீனவர்களை அக்டோபர் 9-ம் தேதி கைது செய்தது.
இந்த 6 மீனவர்களின் நீதிமன்ற காவல் நேற்றுடன் நிறைவடைந்தது. இதையடுத்து, உள்ளூர் போலீசார் நீதிமன்றத்தில் ஆஜர்படுத்தப்பட்டனர். வழக்கை விசாரித்த நீதிபதி நளினி சுபாஷ்கரன், இலங்கை கடற்பரப்பில் மீண்டும் மீன் பிடித்தால் சிறை தண்டனை மற்றும் அபராதம் விதிக்கப்படும் என்ற நிபந்தனையுடன் 5 மீனவர்களையும் விடுதலை செய்து உத்தரவிட்டார். மேலும், இலங்கை ரூ. 40 லட்சம் (இந்திய மதிப்பில் ரூ.11,50,000) அபராதமும், கட்டத் தவறினால் 6 மாத சிறைத் தண்டனையும் விதித்து நீதிபதி உத்தரவிட்டார்.
பின்னர் விடுதலை செய்யப்பட்ட 5 மீனவர்களும் யாழ்ப்பாணத்தில் உள்ள இந்திய துணை தூதரகத்தில் ஒப்படைக்கப்பட்டனர். படகு ஓட்டுநர் கே.ரமேஷ் யாழ்ப்பாணம் சிறைக்கு அழைத்துச் செல்லப்பட்டார்.
