சென்னை: தமிழக பாஜகவில் அரசியலமைப்புச் சட்டத்தின்படி நிர்வாகிகள் நியமனம் நடைபெற்று வருகிறது. அதன்படி, மாநில நிர்வாகிகள் நியமிக்கப்பட்டு வருகின்றனர். சில நாட்களுக்கு முன்பு, பாஜகவில் 25 அணிப் பிரிவுகளுக்கு மாநில நிர்வாகிகள் நியமிக்கப்பட்டனர்.
இந்த சூழ்நிலையில், அந்தப் பிரிவுகளுக்கு மாநில இணை ஒருங்கிணைப்பாளர்கள் மற்றும் மாநிலச் செயலாளர்களை நியமித்து நயினார் நாகேந்திரன் அறிவிப்பை வெளியிட்டார். அதன்படி, மகளிர் அணித் தலைவராக கவிதா காந்த் நியமிக்கப்பட்டுள்ள நிலையில், சங்கீதா மதிவாணன், மதிவதனகிரி, மீனா வினோத்குமார், புவனேஸ்வரி, சரண்யா, லீலாவதி உள்ளிட்ட 8 பேர் துணைத் தலைவர்களாகவும், நதியா சீனிவாசன், வித்யா ரமேஷ், தேன்மொழி ஆகியோர் மாநில பொதுச் செயலாளர்களாகவும் நியமிக்கப்பட்டுள்ளனர்.
மேலும், 8 மாநிலச் செயலாளர்கள், ஒரு மாநிலப் பொருளாளர், 5 மாநில செயற்குழு உறுப்பினர்கள் நியமிக்கப்பட்டுள்ளனர்.
இதேபோல், 2 மாநில இணை ஒருங்கிணைப்பாளர்களும், மற்ற பிரிவுகளுக்கு 11 மாநிலச் செயலாளர்களும் நியமிக்கப்பட்டுள்ளனர்.
