விழுப்புரம்: பாமக சிறப்பு பொதுக்குழு கூட்டம் நாளை புதுச்சேரி அருகே உள்ள பட்டானூரில் நடைபெற உள்ளது. இந்தக் கூட்டத்தில் அன்புமணி குறித்து நிறுவனர் ராமதாஸ் ஒரு முக்கிய முடிவை எடுக்கக்கூடும் என்று எதிர்பார்க்கப்படுகிறது.
இந்த சூழ்நிலையில், ராமதாஸின் மனைவியும் அன்புமணியின் தாயாருமான சரஸ்வதி அம்மையார் நேற்று தனது பிறந்தநாளைக் கொண்டாடியதால், ராமதாஸ் மற்றும் அவரது மகள்களின் குடும்பத்தினர் அவருக்கு வாழ்த்து தெரிவித்தனர். இதற்கிடையில், பாமக தலைவர் அன்புமணி நேற்று இரவு தைலாபுரம் சென்றார்.
அந்த நேரத்தில், அவர் தனது தாயாரைச் சந்தித்து, பிறந்தநாள் வாழ்த்துக்களைத் தெரிவித்து, ஆசி பெற்றார். தாயும் மகனும் சந்தித்தபோது ராமதாஸும் அதே இல்லத்தில் இருந்தார். இருவரும் பேசிக் கொண்டார்களா? இல்லையா? எந்த தகவலும் இல்லை.
பாமக நிறுவனர் ராமதாஸ் கூட்டிய பொதுக்குழு கூட்டம் நாளை நடைபெற உள்ள நிலையில், அன்புமணியின் தைலாபுரம் வருகை அரசியல் வட்டாரங்களில் பரபரப்பை ஏற்படுத்தியுள்ளது.
