புதுடெல்லி: உத்தரகாண்ட், ராஜஸ்தான், உத்தரபிரதேசம் ஆகிய 3 மாநிலங்களுக்கு எதிராக நீதிமன்ற அவமதிப்பு வழக்கு தொடர உச்ச நீதிமன்றம் மறுத்துவிட்டது. சில மாநிலங்களில், உள்ளூர் அதிகாரிகள் குற்றவாளிகளுக்கு சொந்தமான கட்டிடங்களை இடித்துள்ளனர் (விதிகளை மீறியதாகக் கூறப்படுகிறது).
இதை எதிர்த்து பாதிக்கப்பட்டவர்கள் தாக்கல் செய்த மனுக்களை விசாரித்த உச்ச நீதிமன்றம், நீதிமன்ற அனுமதியின்றி இதுபோன்ற கட்டடங்களை இடிக்கக் கூடாது என செப்டம்பர் 17-ம் தேதி உத்தரவிட்டது. இந்நிலையில், சுப்ரீம் கோர்ட்டில் ஒருவர் தாக்கல் செய்த மனுவில், “ஹரித்வார் (உத்தரகாண்ட்), ஜெய்ப்பூர் (ராஜஸ்தான்), கான்பூர் (உத்தரபிரதேசம்) நகராட்சி அதிகாரிகள், சுப்ரீம் கோர்ட்டில் அனுமதி பெறாமல் சில கட்டிடங்களை இடித்துள்ளனர்.
உச்ச நீதிமன்ற உத்தரவை மீறிய உத்தரகாண்ட், ராஜஸ்தான், உத்தரபிரதேசம் ஆகிய 3 மாநிலங்களுக்கு எதிராக நீதிமன்றத்தில் வழக்கு தொடர வேண்டும். இந்த மனு நீதிபதிகள் பி.ஆர்.கவாய், பி.கே.மிஸ்ரா, கே.வி.விஸ்வநாதன் ஆகியோர் அடங்கிய அமர்வு முன்பு நேற்று விசாரணைக்கு வந்தது.
அப்போது நீதிபதிகள், “இந்த விவகாரத்தில் நேரடியாகவோ, மறைமுகமாகவோ தொடர்பில்லாத ஒருவர், இந்த மனுவை தாக்கல் செய்துள்ளார். எனவே, இந்த மனு தள்ளுபடி செய்யப்படுகிறது. பாதிக்கப்பட்டவர்கள் மனு தாக்கல் செய்தால், விசாரணைக்கு எடுத்துக் கொள்ளப்படும்,” என்றார்.
