சென்னை: ரஜினிகாந்த் நடித்துள்ள ‘வேட்டையன்’ படம் அக்டோபர் 10ஆம் தேதி வெளியாகும் என படக்குழு அதிகாரப்பூர்வமாக அறிவித்துள்ளது.
நடிகர் ரஜினிகாந்த் ‘வேட்டையன்’ படத்தில் நடித்து முடித்துள்ளார். ஞானவேல் இயக்க, லைகா நிறுவனம் தயாரித்துள்ளது. அனிருத் இசையமைக்கிறார். இதில் அமிதாப் பச்சன், ஃபஹத் ஃபாசில், ராணா, மஞ்சு வாரியர், துஷாரா விஜயன், ரித்திகா சிங் மற்றும் பலர் நடித்துள்ளனர்.
இப்படம் அக்டோபர் 10ஆம் தேதி வெளியாகும் என படக்குழு தற்போது அதிகாரப்பூர்வமாக அறிவித்துள்ளது.முன்னதாக அதே நாளில் சூர்யா நடித்துள்ள ‘கங்குவா’ படம் வெளியாகும் என அறிவிக்கப்பட்டது. இரண்டு பெரிய படங்கள் ஒரே நாளில் வெளியாகி இருப்பது சமூக வலைதளங்களில் பேசுபொருளாக மாறியுள்ளது.
சூர்யாவின் ‘கங்வா’ படத்தில் திஷா பதானி, பாபி தியோல், யோகி பாபு, ரெடின் கிங்ஸ்லி மற்றும் பலர் நடித்துள்ளனர். யுவி கிரியேஷன்ஸ் மற்றும் ஸ்டுடியோ கிரீன் இணைந்து தயாரித்துள்ள இப்படத்தை சிறுத்தை சிவா இயக்குகிறார். ஒளிப்பதிவு வெற்றி பழனிசாமி. தேவிஸ்ரீ பிரசாத் இசையமைத்துள்ளார். இப்படத்தின் டிரைலர் சமீபத்தில் வெளியாகி நல்ல வரவேற்பை பெற்றது.
