சென்னை: தமிழ்நாடு மின்சார வாரியம், கோவை, ஈரோடு, நீலகிரி மற்றும் திருநெல்வேலி மாவட்டங்களில் 2,321 மெகாவாட் திறன் கொண்ட 47 நீர் மின் நிலையங்களைக் கொண்டுள்ளது. இவற்றில், ஒரு யூனிட் மின்சாரம் உற்பத்தி செய்வதற்கான சராசரி செலவு 75 காசு ஆகும்.
இருப்பினும், போதுமான மழை இல்லாததால், சராசரியாக தினமும் 750 முதல் 1,000 மெகாவாட் மின்சாரம் மட்டுமே உற்பத்தி செய்யப்படுகிறது. இந்த சூழ்நிலையில், மத்திய மின்சார ஆணையம் 2024-25-ம் ஆண்டில் தமிழ்நாட்டின் நீர் மின் நிலையங்களில் 400 கோடி யூனிட் மின்சாரம் உற்பத்தி செய்ய இலக்கு நிர்ணயித்திருந்தது.
கடந்த ஆண்டு, தென்மேற்கு பருவமழை காரணமாக, அனைத்து அணைகளிலும் அதிக நீர் வரத்து இருந்தது. அதைத் தொடர்ந்து, நீர் மின் நிலையங்களில் 480 கோடி யூனிட் மின்சாரம் உற்பத்தி செய்யப்பட்டுள்ளது. இது 2023-24-ம் ஆண்டில் 371 கோடி யூனிட்களாக இருந்தது. மத்திய அரசு நிர்ணயித்த இலக்கை விட கடந்த ஆண்டு 80 கோடி யூனிட்கள் அதிகமாக உற்பத்தி செய்யப்பட்டது குறிப்பிடத்தக்கது.
