சென்னை: ”தமிழகத்தில் நாய் வளர்ப்புக்கு புதிய கொள்கையை தமிழக அரசு வெளியிட்டுள்ளது. நாய் வளர்ப்புக்கான உரிமத்தின் வயது, உரிமத் தொகை, செல்லுபடியாகும் காலம் உள்ளிட்ட பல்வேறு முக்கிய விஷயங்களை தெளிவுபடுத்தியுள்ளது.
நாய்களை வளர்க்க விரும்புவோர், சம்பந்தப்பட்ட உள்ளாட்சி அமைப்பு மற்றும் தமிழ்நாடு விலங்குகள் நல வாரியத்திடம் விண்ணப்பித்து உரிமம் பெற வேண்டும்.
முக்கியமாக, நாய் வளர்ப்பவர்கள் மற்றும் இனப்பெருக்கம் செய்ய விரும்புவோர் முறையான விண்ணப்பத்துடன் பதிவுக் கட்டணமாக ரூ.5,000 செலுத்த வேண்டும். வளர்ப்பு நாய்களுக்கு பதிவு கட்டணம் பாதியாக குறைக்கப்பட்டு ரூ.2,500 கட்டணம் வசூலிக்கப்படும். 2 ஆண்டுகளுக்கு ஒருமுறை வழங்கப்படும் இந்த உரிமம் காலாவதியான பிறகு, ஒரு மாதத்திற்குள் மீண்டும் புதுப்பிக்கலாம்.
தவறினால் ஒரு நாளைக்கு 500 ரூபாய் அபராதத்துடன் உரிமம் புதுப்பிக்கப்படும் என அறிவிக்கப்பட்டுள்ளது. இந்த அறிவிப்பு நாய்களை வளர்க்கும் லட்சக்கணக்கான ஏழை மற்றும் நடுத்தர மக்களிடையே அதிர்ச்சியை ஏற்படுத்தியுள்ளது.
தமிழகத்தில் நாய்களை வளர்ப்பவர்களில் 80 முதல் 90 சதவீதம் பேர் கிராமப்புற ஏழைகள், நடுத்தர மக்கள் மற்றும் விவசாய மக்கள் நாய்களை குடும்பமாக வளர்க்கின்றனர்.
கூடுதலாக, 10 சதவீதத்திற்கும் குறைவான பணக்காரர்களும் நாய்களை வைத்திருக்கிறார்கள். எனவே, வறுமைக் கோட்டிற்கு கீழ் உள்ள மக்களுக்கு, குறிப்பாக அரசு உதவி பெறும் ரேஷன் கார்டுதாரர்களுக்கு, தற்போது அறிவிக்கப்பட்டுள்ள பதிவு கட்டணத்தை குறைக்க வேண்டும்.
நாய்களை வளர்க்க விரும்பும் அனைத்து வருமான வரி செலுத்துவோருக்கும் தமிழக அரசு தற்போது நிர்ணயித்துள்ள கட்டணத்தை எடுப்பதில் தவறில்லை.
மேலும், உரிமக் காலம் முடிந்த பிறகும், ஒரு மாதத்திற்குள் புதுப்பிக்கத் தவறினால், வருமான வரி செலுத்துவோருக்கு ஒரு நாளைக்கு ரூ.500 அபராதம் என்பது ரூ.100 ஆகவும், அதற்குக் கீழே உள்ளவர்களுக்கு ஒரு நாளைக்கு ரூ.10 ஆகவும் மாற்றியமைக்க வேண்டும் என்று அவர் அதில் தெரிவித்துள்ளார்.
