சென்னை: தமிழகத்தில் உள்ளாட்சி அமைப்புகளில் மாற்றுத்திறனாளிகளுக்கு அதிகாரம் அளிக்கும் முயற்சிக்கு ஸ்டாலின் இதன் மூலம் மாற்றுத்திறனாளிகளுக்கு அரசியல் பிரதிநிதித்துவம் அளித்து சமத்துவத்தை மேம்படுத்தும் இந்தியாவிலேயே முதல் மாநிலமாக தமிழகம் திகழும் என அந்த அமைப்பு நம்பிக்கை தெரிவித்துள்ளது. இந்த நடவடிக்கையின் மூலம், ஊராட்சிகள், நகராட்சிகள் மற்றும் மாநகராட்சிகள் போன்ற உள்ளாட்சி அமைப்புகளுக்கு மாற்றுத்திறனாளி பிரதிநிதிகளை நியமித்து அவர்களுக்கு அதிகாரம் அளித்து அவர்களின் வளர்ச்சியை தமிழக அரசு கணிசமாக மேம்படுத்தும் என்றும் எதிர்பார்க்கப்படுகிறது.
மாற்றுத்திறனாளிகளின் பலதரப்பட்ட திறமைகளிலிருந்து பயனடையும் சமுதாயத்தை உருவாக்கும் ஒரு மாற்றமான நிகழ்வாக அமர் சேவா சங்கம் பார்க்கிறது. விரிவாக்கு தமிழகத்தில் மாற்றுத்திறனாளிகள் எண்ணிக்கை 13 லட்சத்துக்கும் அதிகமாக இருப்பதாக மதிப்பிடப்பட்டுள்ளது. இந்த நடவடிக்கை நிர்வாகத்தில் புதிய வாய்ப்புகளை உருவாக்கும் மற்றும் உள்ளூர் நிர்வாக திறனை மேம்படுத்தும். இது மற்ற மாநிலங்களுக்கும் முன்மாதிரியாக இருக்கும்.
இதுகுறித்து அமர் சேவா சங்கத் தலைவர் எஸ்.ராமகிருஷ்ணன், செயலர் எஸ்.சங்கரராமன் ஆகியோர் கூறியதாவது:- கொள்கை வகுப்பில் அர்த்தமுள்ள பங்களிப்பை ஊக்குவித்து, திறம்பட செயல்படுத்தி, நீண்டகால தாக்கத்தை உறுதி செய்த தமிழக அரசுக்கு நன்றி தெரிவித்துக் கொள்கிறோம். 1981-ம் ஆண்டு நிறுவப்பட்ட அமர் சேவா சங்கத், கல்வி, தொழில் பயிற்சி மற்றும் சமூக மறுவாழ்வு போன்ற சேவைகளை வழங்கி, மாற்றுத்திறனாளிகளின் மேலாண்மை மற்றும் உள்ளடக்கிய வளர்ச்சியில் முன்னோடியாக இருந்து வருகிறது. தன்னம்பிக்கையை வளர்ப்பதற்கான நோக்கங்களில் இந்த அமைப்பு உறுதிபூண்டுள்ளது.
