தஞ்சாவூர்: தஞ்சாவூர் அருகே வல்லம் கிழக்கு மற்றும் மேற்கு ஊராட்சி ஒன்றிய தொடக்கப்பள்ளிகளின் நூற்றாண்டு விழா மற்றும் ஆண்டு விழா நடந்தது.
நிகழ்ச்சியில் பள்ளி தலைமை ஆசிரியை தையல்நாயகி வரவேற்று பேசினார். தஞ்சை எம்.எல்.ஏ. டி.கே.ஜி.நீலமேகம் தலைமை வகித்து பேசினார். முன்னாள் ஒன்றிய துணை பெருந்தலைவர் தோ.அருளானந்தசாமி, வல்லம் பேரூராட்சி தலைவர் செல்வராணி கல்யாணசுந்தரம், தஞ்சாவூர் ஊரக வட்டார கல்வி அலுவலர் சங்கீதா ஆகியோர் முன்னிலை வகித்தனர்.
பேரூராட்சி செயல் அலுவலர் ராஜசேகர், பள்ளி மேலாண்மைக்குழு உறுப்பினர் சிங்.அன்பழகன், திமுக நகர செயலாளர் கல்யாணசுந்தரம் ஆகியோர் வாழ்த்திப் பேசினர். நிகழ்ச்சியில் பள்ளி மாணவ, மாணவிகளுக்கு போட்டிகள் நடத்தப்பட்டு பரிசுகள் வழங்கப்பட்டன. இதில் பேரூராட்சி துணைத்தலைவர் மஹாலெட்சுமி வெங்கடேசன், பெற்றோர் ஆசிரியர் சங்க தலைவர்கள் மாணிக்கம், கண்ணன், முகமது ஷாபி, பள்ளி ஆசிரியர்கள், பேரூராட்சி உறுப்பினர்கள் சத்யா, அமுதா, ருக்மணி, சேகர், ஜெயராமன் மற்றும் பலர் கலந்து கொண்டனர். பெற்றோர் ஆசிரியர் கழகத் தலைவர் ராஜா நன்றி கூறினார்.
