சென்னை: தமிழ்நாடு தொழில் துறையின் தொழில் வழிகாட்டி நிறுவனம் சார்பில் இந்த ஆண்டுக்கான தமிழ்நாடு முதலீட்டு மாநாடு சென்னையில் நேற்று நடந்தது. இதில், செயல்தலைவர் ஸ்டாலின் பங்கேற்று, முடிக்கப்பட்ட 19 திட்டப்பணிகளை துவக்கி வைத்தார். 28 புதிய திட்டங்களுக்கு அடிக்கல் நாட்டினார்.
விழாவில் அவர் பேசியதாவது: கடந்த 3 ஆண்டுகளில் 31 லட்சம் பேருக்கு வேலை வாய்ப்பு வழங்க ரூ.9.94 லட்சம் கோடி முதலீட்டுக்கு ஒப்பந்தம் போடப்பட்டுள்ளது. இதைத் தொடர்ந்து ரூ.17,616 கோடி மதிப்பிலான 19 வகையான திட்டங்களை தொடங்கியுள்ளேன். இதன் மூலம் 64,968 பேருக்கு வேலை வாய்ப்பு கிடைக்கும்.
அதேபோல், 28 வகையான திட்டங்களுக்கு அடிக்கல் நாட்டியுள்ளேன். இவற்றின் மொத்த மதிப்பு ரூ.51,157 கோடி. இதன் மூலம் 41,835 பேருக்கு வேலை வாய்ப்பு கிடைக்கும். தொழில்முனைவோர் சொந்த நிறுவனங்களைத் தொடங்கினால் மட்டும் போதாது. உங்களைப் போன்ற மற்ற தொழில்முனைவோரை தமிழகத்திற்கு அழைத்து வந்து தொழில் தொடங்க வேண்டும். தொழில்துறையின் தூதர்கள் ஆகலாம்.
இன்று தொடங்கப்பட்ட திட்டங்களில் பெண்களுக்கான வேலை வாய்ப்புகள் அதிகம். அனைத்து துறைகள், அனைத்து சமூகங்கள் மற்றும் அனைத்து மாவட்டங்களின் வளர்ச்சியை நாங்கள் உறுதி செய்கிறோம். சமூகத்தின் அனைத்து பிரிவினருக்கும் வாழ்க்கையை எளிதாக்குவதே அரசின் குறிக்கோள். தமிழக இளைஞர்கள் மிகவும் திறமையாகவும், படைப்பாற்றல் மிக்கவர்களாகவும் உள்ளனர். தங்களின் திறமையை பயன்படுத்துமாறு கேட்டுக்கொள்கிறேன்.
