திருச்சி: பிரசித்தி பெற்ற சக்தி தலமான திருச்சி சமயபுரம் மாரியம்மன் கோயிலில் ஆண்டுதோறும் பூச்சொரிதல் விழா நடைபெறும். இந்த ஆண்டுக்கான பூச்சொரிதல் விழா நாளை முதல் ஞாயிற்றுக்கிழமை தொடங்குகிறது. இதையொட்டி, அதிகாலை விக்னேஸ்வர பூஜை, புண்யாக வசனம், அனுக்ஞை, வாஸ்து சாந்தி, அங்குரார்ப்பணம் முடிந்து மீன லக்னத்தில் காலை 7.30 மணி முதல் 8.30 மணிக்குள் அம்மனுக்கு காவடி கட்டப்படுகிறது.
தொடர்ந்து புண்யாக விழா நடைபெறும். மும்மூர்த்திகளைப் பார்த்து மாயாசுரனை வதம் செய்த பாவம் நீங்கவும், உலக நன்மைக்காகவும், தன்னை தரிசிக்க வரும் பக்தர்களுக்கு சகலவிதமான நோய், தோஷங்கள் வராமல் இருக்கவும், சகல பாக்கியம் கிடைக்கவும் இங்கு பக்தர்கள் 28 நாட்கள் பச்சை விரதம் கடைப்பிடிப்பது சிறப்பு.
மாசி மாதத்தின் கடைசி ஞாயிற்றுக்கிழமை முதல் பங்குனி மாதம் கடைசி ஞாயிறு வரை அம்மன் விரதம் கடைப்பிடிக்கிறார். இந்த 28 நாட்களிலும் அம்மனுக்கு பிரசாதம் கிடையாது. துள்ளுமாவு, தண்ணீர் தயிர், கரும்பு, பானகம், இளநீர் மட்டுமே பிரசாதமாக வழங்கப்படுகிறது.
