தமிழக முதல்வர் ஸ்டாலின் ரூ. 102 கோடி மதிப்பிலான நலத்திட்ட உதவிகளை வழங்குகிறார். ஊட்டியில் இன்று நடந்த அரசு விழாவில் 15,000 பயனாளிகளுக்கு வழங்கப்பட்டது. செயல்தலைவர் ஸ்டாலின் அனைத்து மாவட்டங்களுக்கும் நேரடியாகச் சென்று மக்களுக்கு நலத்திட்ட உதவிகளை வழங்கி வருகிறார். இந்நிலையில், நீலகிரி மாவட்ட மக்களுக்கு நலத்திட்ட உதவிகளை வழங்க முதல்வர் நேற்று ஊட்டிக்கு வந்தார். வழிநெடுகிலும் அவருக்கு உற்சாக வரவேற்பு அளிக்கப்பட்டது. நேற்று இரவு ஊட்டியில் உள்ள நட்சத்திர ஓட்டலில் திமுக முக்கிய நிர்வாகிகளை சந்தித்து ஆலோசனை நடத்தினார்.
இன்று காலை 10 மணிக்கு ரூ.464 கோடி செலவில் புதிதாக கட்டப்பட்டுள்ள அரசு மருத்துவக் கல்லூரி மருத்துவமனையை முதல்வர் திறந்து வைக்கிறார். பின்னர் ஊட்டி அரசு கலைக்கல்லூரி மைதானத்தில் அமைக்கப்பட்டுள்ள மேடைக்கு வருகிறார். அங்கு ரூ.494.51 கோடி மதிப்பில் முடிக்கப்பட்ட 1,703 திட்டப் பணிகளை அவர் தொடங்கி வைக்கிறார். ரூ.130.35 மதிப்பிலான 56 புதிய வளர்ச்சித் திட்டப் பணிகளை அவர் தொடங்கி வைக்கிறார். மேலும் அவர் 15,634 பயணிகளுக்கு ரூ.102.17 கோடி மதிப்பிலான நலத்திட்ட உதவிகளை வழங்கி உரையாற்றுகிறார்.
அமைச்சர்கள் எ.வ.வேலு, மா.சுப்பிரமணியன், எம்.பி.சாமிநாதன், நீலகிரி எம்.பி. ஆ.ராசா, அரசு தலைமைக் கொறடா கா.ராமச்சந்திரன் உள்ளிட்டோர் இந்த விழாக்களில் பங்கேற்கின்றனர். ஊட்டிக்கு வரும் முதல்வருக்கு பல இடங்களில் பழங்குடியின மக்களும், படுகர் மக்களும் தங்களது பாரம்பரிய முறைப்படி வரவேற்பு அளிக்கின்றனர். முதல்வர் வருகையை முன்னிட்டு ஊட்டியில் மூன்றடுக்கு பாதுகாப்பு ஏற்பாடுகள் செய்யப்பட்டுள்ளன.
