வடகிழக்கு பருவமழை தொடங்கியுள்ள நிலையில், தமிழகம் மற்றும் புதுச்சேரியில் தொடர்ந்து கனமழை பெய்து வருகிறது. வானிலை ஆய்வு மையம் வெளியிட்டுள்ள அறிவிப்பின்படி, வங்கக் கடலில் “டானா” புயல் உருவாகியுள்ளது. இதனால் கடல் அலைகள் மக்களை ஆச்சரியத்தில் ஆழ்த்தியுள்ளன.
அக்டோபர் 19ஆம் தேதி இரவு புதுவை கடலில் நீல அலைகள் காணப்பட்டன. மறுநாள் இவை பச்சை நிறமாக மாறியது. இரண்டு நாட்களாக நீடித்த பச்சை அலைகளால் துர்நாற்றம் வீசியது மற்றும் ஏராளமான நுரை மற்றும் ஜெல்லி மீன்கள் கரையில் இறந்து கிடந்தன.
இதனால் பொதுமக்கள் மற்றும் சுற்றுலா பயணிகள் கடலில் குளிக்க தடை விதிக்கப்பட்டது. கடல் உயிரியலாளர்கள் கடல்நீரை சோதனைக்காக எடுத்துச் சென்றுள்ளனர், ஆனால் முடிவுகள் இன்னும் கிடைக்கவில்லை. கடல் நீர் பச்சை நிறமாக மாறுவதற்கு மைக்ரோஅல்காவே காரணம் என ஆராய்ச்சியாளர்கள் கண்டறிந்துள்ளனர்.
கடல் இயல்பு நிலைக்கு திரும்பியதையடுத்து காலை முதல் சுற்றுலா பயணிகள் கடலுக்குள் சென்றனர். ஆனால் திடீரென கடல் 30 அடிக்கு உள்வாங்கி நீண்டு பச்சை நிறமாக மாறியது.
இதனால், பொதுமக்கள் மத்தியில் பெரும் அதிர்ச்சி ஏற்பட்டதுடன், கடல் அருகே செல்ல வேண்டாம் என அறிவிப்பு வெளியிடப்பட்டது. பருவநிலை மாற்றத்தால், புயல் உருவாகும் போது இதுபோன்ற சம்பவங்கள் அதிகம் நடப்பதாக நிபுணர்கள் கூறுகின்றனர்.
கடல் தாற்காலிகமாக உள்வாங்கியிருந்தாலும், வங்கக் கடலில் உருவாகியுள்ள டானா புயல் கரையைக் கடந்த பிறகு கடல் இயல்பு நிலைக்குத் திரும்பும் என அதிகாரிகள் தெரிவித்துள்ளனர்.
