சென்னை: கடன் வசூலிக்க அழுத்தம் கொடுப்பவர்களை தண்டிக்கும் மசோதாவை துணை முதல்வர் உதயநிதி ஸ்டாலின் கடந்த 26-ம் தேதி தமிழக சட்டப்பேரவையில் தாக்கல் செய்தார். இதற்கு தமிழ்நாடு விவசாயிகள் நல உரிமைகள் சங்கம் வரவேற்பு தெரிவித்துள்ளது. இதுகுறித்து, சங்க நிறுவனர் ராஜபாலன் விடுத்துள்ள அறிக்கையில், “தனிநபர்கள், சுயஉதவிக்குழுக்கள் போன்றவர்களிடம், கடன் நிறுவனங்கள் வலுக்கட்டாயமாக கடன் வசூலிப்பதை தடுக்கும் வகையில், புதிய சட்டத்திருத்த மசோதாவை, துணை முதல்வர் உதயநிதி ஸ்டாலின், சட்டசபையில் தாக்கல் செய்தார்.
கடன் வழங்கும் நிறுவனம் கடனாளியை அல்லது அவரது குடும்பத்தினரை வற்புறுத்தவோ, அச்சுறுத்தவோ, பின்தொடரவோ அல்லது பறிமுதல் செய்யவோ கூடாது, மேலும் கடன் வாங்கியவர் அல்லது அவரது குடும்பத்தினர் வலுக்கட்டாயமாக கடன் வசூலில் ஈடுபட்டால், 3 ஆண்டுகள் வரை சிறைத்தண்டனை அல்லது ரூ. 5 லட்சம் அல்லது இரண்டும் விதிக்கப்படலாம். இது வரவேற்கத்தக்கது. கிராமப்புறங்களில் உள்ள நுண்நிதி நிறுவனங்கள் கடனுக்காக பெண்களை குறிவைத்து கடனை வசூலிப்பதற்காக கடுமையான மிரட்டல்களை பயன்படுத்துவதால், பல பெண்கள் அச்சுறுத்தலுக்கு உள்ளாகி அவநம்பிக்கைக்கு தள்ளப்படுவதாக சுட்டிக்காட்டினார்.
தமிழக விவசாயிகள் நல உரிமைகள் சங்கம், தமிழக அரசு நடவடிக்கை எடுக்க வலியுறுத்தி, கடந்த 2 ஆண்டுகளாக பல்வேறு போராட்டங்களை நடத்தி வருவதுடன், அவ்வப்போது கூட்டங்கள் மூலம் கோரிக்கைகளை முன்வைத்து தொடர்ந்து போராட்டம் நடத்தி வருகிறது. தற்போது நடைபெற்று வரும் சட்டப்பேரவை கூட்டத்தொடரில் துணை முதல்வர் உதயநிதி ஸ்டாலின் இந்த சட்டத்திருத்த மசோதாவை கொண்டு வந்தார். இது வரவேற்கத்தக்கது.
இதற்காக தமிழக அரசுக்கு தமிழக கிராமப்புற மக்களின் சார்பில் நன்றியை தெரிவித்துக் கொள்கிறேன், மேலும் தமிழக அரசின் இந்த நடவடிக்கை தேவையற்ற கடன்களை தவிர்க்கவும், சிறுகடன் நிறுவனங்களின் அத்துமீறல்களை கட்டுப்படுத்தவும் வாய்ப்பாக அமையும் என்பதை தெரிவித்துக் கொள்கிறேன்,” என்றார்.
