சென்னை: இது தொடர்பாக, வானிலை ஆய்வு மையம் வெளியிட்டுள்ள வானிலை அறிக்கை:- வடமேற்கு வங்கக் கடலில் நேற்று ஒரு குறைந்த காற்றழுத்த தாழ்வுப் பகுதி உருவானது.
அது மேலும் வலுப்பெற்று, மேற்கு-வடமேற்கு நோக்கி நகர்ந்து நாளை ஒடிசா கடற்கரையைக் கடக்க வாய்ப்புள்ளது. இதனிடையே, மேற்குக் காற்றின் வேகத்தில் ஏற்பட்ட மாற்றத்தால், வட தமிழ்நாட்டின் சில இடங்களிலும், தென் தமிழ்நாட்டின் சில இடங்களிலும், புதுச்சேரி மற்றும் காரைக்காலின் சில இடங்களிலும் இன்று இடி மற்றும் மின்னலுடன் கூடிய லேசானது முதல் மிதமான மழை பெய்ய வாய்ப்புள்ளது.
மணிக்கு 40 முதல் 50 கி.மீ வேகத்தில் பலத்த மேற்பரப்பு காற்று வீச வாய்ப்புள்ளது. செப்டம்பர் 6 வரை தமிழ்நாடு, புதுச்சேரி மற்றும் காரைக்காலில் சில இடங்களில் அதிகபட்ச வெப்பநிலை 35.6 முதல் 37.4 டிகிரி பாரன்ஹீட் வரை இருக்கும்.
சென்னை மற்றும் அதன் புறநகர்ப் பகுதிகளில் இன்று சில இடங்களில் இடி, மின்னலுடன் மிதமான மழை பெய்ய வாய்ப்புள்ளது.
