சென்னை: சென்னை சர்வதேச விமான நிலையம் மற்றும் உள்நாட்டு விமான நிலையத்தில் இந்த ஆண்டு ஆகஸ்ட் மாதத்தில் 18,53,115 பயணிகள் பயணம் செய்துள்ளனர்.
ஆனால் கடந்த ஆண்டு ஆகஸ்ட் மாதத்தில் 17,53,115 பயணிகள் மட்டுமே பயணம் செய்துள்ளனர். கடந்த ஆண்டை விட இந்த ஆண்டு சென்னை விமான நிலையத்தில் பயணிகளின் எண்ணிக்கை 90,222 அதிகரித்துள்ளது.
இது 5.1% ஆகும். இதேபோல் கோவை விமான நிலையத்தில் பயணிகளின் எண்ணிக்கை 16,199 அதிகரித்துள்ளது. இது 6.4% ஆகும். இந்த ஆண்டு ஆகஸ்ட் மாதத்தில் திருச்சி விமான நிலையத்தில் 17.9%, தூத்துக்குடி விமான நிலையத்தில் 16.4%, சேலம் விமான நிலையத்தில் 10,994 பயணிகள் பயணம் செய்துள்ளனர்.
சேலம் விமான நிலையம் கடந்த ஆகஸ்ட் மாதம் செயல்படாமல் போனது. மேலும், தமிழகத்தில் விமானப் பயணிகளின் எண்ணிக்கை கணிசமாக உயர்ந்தாலும், சென்னை விமான நிலையம், சர்வதேச முனையத்தில் மட்டும், கடந்த ஆகஸ்ட் மாதத்தை விட, இந்தாண்டு ஆகஸ்டில் பயணிகள் எண்ணிக்கை வெகுவாக குறைந்துள்ளது.
விமான நிலைய அதிகாரிகளிடையே அதிர்ச்சியை ஏற்படுத்தியுள்ளது. இந்த ஆண்டு ஆகஸ்ட் மாதத்தில் சென்னை சர்வதேச முனையத்தில் 4,86,177 பயணிகள் பயணம் செய்துள்ளனர்.
ஆனால் கடந்த ஆகஸ்ட் 2023-ல் 4,94,796 பயணிகள் பயணம் செய்துள்ளனர். எனவே கடந்த ஆண்டை விட இந்த ஆண்டு 8,619 பயணிகள் குறைந்துள்ளனர். இது மைனஸ் 1.8% ஆகும்.
பயணிகள் கூறுகையில், “சென்னை சர்வதேச விமான நிலையத்தில், சுங்கத்துறை அதிகாரிகளின் கெடுபிடி அதிகமாக உள்ளது.
சுங்க சோதனை என்ற பெயரில், பயணிகளை பல மணி நேரம் விமான நிலையத்தில் வைத்து, பெண் பயணிகள் கொஞ்சம் தங்க நகைகளை கொண்டு வந்தாலும், பழைய நகைகளாக இருந்தாலும், உடனடியாக பறிமுதல் செய்யப்பட்டு, பெரிய அளவில் சுங்க வரி விதிக்கப்பட்டு, அருகில் உள்ள பெங்களூரு, கொச்சி, ஐதராபாத், திருவனந்தபுரம் போன்ற விமான நிலையங்களுக்கு சென்று, அங்கிருந்து உள்நாட்டு விமானம் அல்லது சாலை, ரயில் மார்க்கமாக வந்து செல்கின்றனர்.
