ஊட்டி: இயற்கை எழில் கொஞ்சும் நீலகிரி மாவட்டம் மலைகளின் ராணி என்று அழைக்கப்படுகிறது. இங்குள்ள தாவரவியல் பூங்கா, ரோஜா பூங்கா, காட்டேரி பூங்கா, குன்னூர் சிம்ஸ் பூங்கா, தொட்டபெட்டா, பைக்காரா படகு இல்லம், நீர்வீழ்ச்சி, ஊட்டி படகு இல்லம், குன்னூர் டால்பின்னோஸ், லேம்ஸ் ராக் வியூபாயின்ட் போன்ற சுற்றுலா தலங்களை ரசிக்க தினமும் ஆயிரக்கணக்கான சுற்றுலாப் பயணிகள் வருகின்றனர்.
மேலும் வெளி மாநிலங்களுக்கும் வந்து செல்வது வழக்கம். குறிப்பாக, முதல் சீசனான ஏப்ரல், மே மாதங்களில் சுற்றுலா பயணிகள் அதிகளவில் வந்து செல்கின்றனர். அதன்பின், 2-வது சீசன், செப்டம்பர், அக்டோபர் மாதங்களில் அதிகளவில் சுற்றுலா பயணிகள் ஊட்டிக்கு வருகின்றனர்.
குறிப்பாக, அண்டை மாநிலமான கேரளாவில் இருந்து ஏராளமான சுற்றுலா பயணிகள் ஊட்டிக்கு வருகின்றனர். 2-வது சீசனில், ஓணம் பண்டிகை விடுமுறையில், கேரள மாநிலத்தில் இருந்து அதிகளவில் சுற்றுலா பயணிகள் வருகின்றனர்.
ஓணம் பண்டிகை தொடங்குவதற்கு இரண்டு நாட்களுக்கு முன்பு ஊட்டியை முற்றுகையிட்டனர்.
இதையடுத்து, ஓணம் பண்டிகைக்கு பின், கேரள மாநில சுற்றுலா பயணிகள், 10 நாட்கள் வரை ஊட்டியில் முகாமிடுவார்கள். இதனால் இங்குள்ள ஓட்டல்கள், காட்டேஜ்கள் மற்றும் அனைத்து விதமான தங்கும் விடுதிகளிலும் கூட்டம் நிரம்பி வழியும்.
அனைத்து சுற்றுலாத் தலங்களுக்கும் செல்லும் சாலைகள் மற்றும் முக்கிய சாலைகள் சுற்றுலாப் பயணிகளால் அதிக அளவில் போக்குவரத்துக்கு உட்பட்டுள்ளன. இதனால் ஓணம் பண்டிகையையொட்டி ஊட்டியில் சுற்றுலா பயணிகள் கூட்டம் அலைமோதும்.
ஆனால் இந்த முறை ஏப்ரல், மே மாதங்களில் சுற்றுலா பயணிகளின் வருகையை கட்டுப்படுத்த உயர்நீதிமன்ற உத்தரவின் பேரில் தமிழக அரசு இ-பாஸ் முறையை அறிமுகப்படுத்தியது.
மேலும், மே மாதத்துடன் கோடை சீசன் முடிந்தாலும், செப்டம்பர் 30-ம் தேதி வரை நீட்டித்து தமிழக அரசு அறிவித்துள்ளது.இதனால், பெரும்பாலான சுற்றுலா பயணிகள், கடந்த 4 மாதங்களாக ஊட்டிக்கு செல்வதை தவிர்த்து விட்டனர்.
கடந்த 4 மாதங்களில் ஊட்டிக்கு வரும் சுற்றுலா பயணிகளின் எண்ணிக்கை வெகுவாக குறைந்துள்ளது. இந்நிலையில், கேரள மாநிலத்தில் இன்று ஓணம் பண்டிகை கொண்டாடப்படுவதால், நேற்று முதல் ஊட்டிக்கு வரும் சுற்றுலா பயணிகளின் எண்ணிக்கை அதிகரிக்கும் என வியாபாரிகள் மற்றும் சுற்றுலா ஆர்வலர்கள் எதிர்பார்த்தனர்.
போக்குவரத்து பராமரிப்பு போன்ற பணிகளிலும் போலீசார் அதிக கவனம் செலுத்தி வந்தனர். இருப்பினும் சுற்றுலா பயணிகளின் எண்ணிக்கை வழக்கத்தை விட குறைவாகவே உள்ளது.
இதற்கு இ-பாஸ் நடைமுறையே காரணம் என வியாபாரிகள் பலர் கூறுகின்றனர். இ-பாஸ் கொண்டு வருவது கட்டாயமாக்கப்பட்டுள்ளதால் பெரும்பாலான சுற்றுலா பயணிகள் ஊட்டியை தவிர்த்து அண்டை மாநிலமான கர்நாடகா உள்ளிட்ட இடங்களுக்கு செல்வதாக கூறப்படுகிறது.
இதே நிலை நீடித்தால் நீலகிரியில் சுற்றுலாத்துறை கடுமையாக பாதிக்கப்படும் என சுற்றுலா ஆர்வலர்கள் மற்றும் வியாபாரிகள் தெரிவிக்கின்றனர்.
