சென்னை: இந்திய ரயில்வே வழக்கமாக எக்ஸ்பிரஸ் ரயில்கள் புறப்படுவதற்கு 4 மணி நேரத்திற்கு முன்பு முன்பதிவு பட்டியலை வெளியிடும். இதன் காரணமாக, கடைசி நேரத்தில் டிக்கெட்டுகள் உறுதி செய்யப்படாததால், பயணிகள் தங்கள் பயணங்களை மறுசீரமைப்பதில் மிகுந்த சிரமப்பட்டனர்.
இதற்கு தீர்வு காண ரயில்வேயிடம் கோரிக்கை விடுத்துள்ளனர். இதைத் தொடர்ந்து, ரயில்கள் புறப்படுவதற்கு 8 மணி நேரத்திற்கு முன்பு முன்பதிவு பட்டியலை வெளியிட வேண்டும் என்று ரயில்வே பரிந்துரைத்துள்ளது.
இதுபோன்ற நிலையில், தெற்கு ரயில்வேயில் எக்ஸ்பிரஸ் ரயில்கள் புறப்படுவதற்கு 8 மணி நேரத்திற்கு முன்பு முன்பதிவு பட்டியலை வெளியிடும் நடைமுறை நேற்று அமலுக்கு வந்தது.
இது குறித்து தெற்கு ரயில்வே அதிகாரிகள் கூறுகையில், “அனைத்து ரயில்களுக்கும் முன்கூட்டியே முன்பதிவு பட்டியல் 8 மணி நேரத்திற்கு முன்பே வெளியிடப்படும். குறிப்பாக, காலை 5 மணி முதல் பிற்பகல் 2 மணி வரை புறப்படும் ரயில்களுக்கான முன்பதிவு பட்டியல் முந்தைய நாள் இரவு 9 மணிக்கு வெளியிடப்படும்.”
