பொள்ளாச்சி: பொள்ளாச்சி டாப்சிலிப் அருகே உள்ள பரம்பிக்குளம் அணையிலிருந்து திறக்கப்படும் தண்ணீர் சர்க்கார்பதி நீர்மின் நிலையத்தில் மின்சாரம் தயாரிக்கப் பயன்படுகிறது, பின்னர் கான்டூர் கால்வாய் வழியாக திருமூர்த்தி அணை மற்றும் ஆழியார் அணைக்கு செல்கிறது. இருப்பினும், கடந்த ஜனவரி முதல் மே 2-வது வாரம் வரை மழை இல்லாததால், பரம்பிக்குளம் அணைக்கு நீர்வரத்து குறைவாகவே இருந்தது.
மேலும், சில நாட்கள் கோடை மழை பெய்த போதிலும், அந்த நேரத்தில் அணைக்கு நீர்வரத்து எதிர்பார்த்த அளவுக்கு இல்லை. இதன் காரணமாக, 72 அடி மொத்த கொள்ளளவு கொண்ட அணையின் நீர்மட்டம் கடந்த மாதம் ஒரு வாரத்திற்கு முன்பு வரை 25 அடியாக இருந்தது. இந்நிலையில், கடந்த மாத இறுதியில் பெய்த கனமழையின் போது, பரம்பிக்குளம் அணைக்கு நீர் வரத்து அதிகரிக்கத் தொடங்கியது.
இதனிடையே, மேற்குத் தொடர்ச்சி மலைகளில் கடந்த சில நாட்களாக அவ்வப்போது மழை பெய்து வருகிறது. பரம்பிக்குளம் பகுதியில் மழை சற்று குறைவாக இருந்தாலும், நேற்று காலை நிலவரப்படி, வினாடிக்கு 1200 கன அடி வீதம் தண்ணீர் வந்து கொண்டிருந்தது. அணையின் நீர்மட்டம் தற்போது 36 அடியாக உயர்ந்துள்ளதாக பொதுப்பணித் துறை தெரிவித்துள்ளது.
