உயர் நீதிமன்ற வளாகத்தில் உள்ள நீதிபதிகள் இடமாற்றம்

சென்னை: சென்னை உயர் நீதிமன்ற வளாகத்தில் உள்ள சிறு உரிமையியல் நீதிமன்ற தலைமை நீதிபதியாக இருந்த டி.லிங்கேஸ்வரன் உட்பட 4 மாவட்ட நீதிபதிகள் இடமாற்றம் செய்யப்பட்டுள்ளனர். இதுகுறித்து, உயர் நீதிமன்ற தலைமைப் பதிவாளர் எஸ்.அல்லி பிறப்பித்த உத்தரவில் கூறியிருப்பதாவது:-

மாவட்ட நீதிபதி வி.ஆர். லதா சென்னை உயர் நீதிமன்ற சட்டப் பணிகள் ஆணைக்குழுவின் செயலர் சென்னை உயர் நீதிமன்ற வளாகத்தில் உள்ள சிறு உரிமையியல் நீதிமன்றத்தின் தலைமை நீதிபதியாகவும், தலைமை நீதிபதியாக இருந்த டி.லிங்கேஸ்வரன், உயர் நீதிமன்ற வளாகத்தில் உள்ள அறக்கட்டளை சொத்துக்களை நிர்வகிக்கும் பொருளாளராகவும் மாற்றப்பட்டுள்ளனர்.

அறக்கட்டளை சொத்துக்களை நிர்வகித்து வந்த பொருளாளராக இருந்த என்.ராமநாதன், சென்னை போதைப்பொருள் கடத்தல் தடுப்பு முதன்மை சிறப்பு நீதிமன்ற நீதிபதியாகவும், அந்த பதவியில் இருந்த நீதிபதி எஸ்.ஹெர்ம்ஸ், அத்தியாவசியப் பொருள் கடத்தல் தடுப்பு வழக்குகளை விசாரிக்கும் சிறப்பு நீதிபதியாகவும் மாற்றப்பட்டுள்ளார். இவ்வாறு அதில் தெரிவிக்கப்பட்டிருந்தது.