தஞ்சாவூர்: தஞ்சாவூரில் பெரியார் பிறந்த நாளை முன்னிட்டு அவரது உருவப்படம் மற்றும் சிலைக்கு மாலை அணிவித்து மரியாதை செலுத்தப்பட்டது.
தஞ்சை புதிய பேருந்து நிலையம் அருகில் உள்ள மன்னர் சரபோஜி அரசு கல்லூரி எதிரில் தந்தை பெரியார் 146வது பிறந்தநாள் விழாவிற்கு திராவிடர் கழக தஞ்சை மாவட்ட தலைவர் வழக்கறிஞர் அமர்சிங் தலைமை வகித்தார்.
திராவிடர் கழக தலைமை நிலைய பேச்சாளர் இரா.பெரியார் செல்வம் கொடி ஏற்றிவைத்தார் .தமிழ்நாடு ஆசிரியர் முன்னேற்ற சங்க செய்தித் தொடர்பாளர் ரகமதுல்லா பெரியார் படத்திற்கு மாலை அணிவித்து மரியாதை செலுத்தினார் .
இந்நிகழ்வில் காப்பாளர் மு.அய்யனார், மாநில ஒருங்கிணைப்பாளர் இரா.ஜெயக்குமார், திராவிட மாணவர் கழக மாநில செயலாளர் இரா.செளந்திரபாண்டியன்,தஞ்சை தெற்கு ஒன்றிய திராவிடர் கழக செயலாளர் நெல்லுப் பட்டு இராமலிங்கம், தஞ்சை மாநகர திராவிடர் கழக தலைவர் நரேந்திரன், தஞ்சை மாநகர திராவிடர் கழக செயலார் செ.தமிழ்செல்வம், தஞ்சை தெற்கு ஒன்றிய தொழிலாளர் அணி தலைவர் அழகு.இராமகிருஷ்ணன் மற்றும் பலர் கலந்து கொண்டனர்.
