இந்திய வாகனங்களில் அங்கீகரிக்கப்பட்ட மற்றும் அதிகாரம் மிக்க பதவியில் இருப்பவர்கள் மட்டுமே வாகனங்களில் இந்திய தேசியக் கொடியை வைத்திருக்க வேண்டும் என்ற விதி உள்ளது. இதன் காரணமாக சாதாரண குடிமகன் யாரும் தங்கள் வாகனங்களில் தேசியக் கொடியை பயன்படுத்த முடியாது. ஆனால், இந்தியாவில் ஆட்டோ உள்ளிட்ட சுற்றுலா வாகனங்களை அலங்கரித்து ஓட்டுவது வாகன ஓட்டிகளின் சிறப்பு பொழுதுபோக்காக மாறியுள்ளது. வண்ண அலங்காரங்கள், வண்ண விளக்குகள், ஆட்டோ, பஸ்களில் ஹாரன் போன்ற வடிவங்கள், கண்ணாடியில் கடவுள் படங்கள், பிடித்த நடிகர்களின் படங்கள், பிடித்த பாடல்களால் ஏர் ஹாரன்கள் என அலங்கரித்தவர்கள் இப்போது ஒரு படி மேலே போய் வெளிநாட்டுக் கொடிகளைப் பயன்படுத்தத் தொடங்கியுள்ளனர்.
திருப்பூர் பல்லடம் சாலையில் நிறுத்தப்பட்டிருந்த இரண்டு சுற்றுலா வாகனங்களில் அமெரிக்கா மற்றும் இங்கிலாந்து நாட்டு கொடிகள் முன்புறம் கட்டப்பட்டிருந்தது. வாகனத்தின் பல்வேறு பகுதிகளில் இங்கிலாந்து கொடிகள் அடங்கிய ஸ்டிக்கர்கள் ஒட்டப்பட்டிருந்தன. பின்னலாடை உற்பத்தி மற்றும் ஏற்றுமதி தொழில் வளர்ச்சியடைந்து வரும் திருப்பூருக்கு வெளிநாட்டினர் எப்போதும் வந்து செல்கின்றனர். திருப்பூரில் இதுபோன்ற வாகனங்களில் வெளிநாட்டுக் கொடிகள் இருப்பது வெளிநாட்டினரையும் ஆச்சரியப்படுத்தும் என்பதில் சந்தேகமில்லை.
இவற்றில் சட்டப்படி தவறு இல்லை என்றாலும், ஏதேனும் ஒரு சந்தர்ப்பத்தில் தவறாக பயன்படுத்தினால் அபராதம், வழக்கு உள்ளிட்ட பிரச்னைகளை சந்திக்க நேரிடும் என்பதை ஓட்டுநர்கள் கவனத்தில் கொள்ள வேண்டும் என போக்குவரத்து துறை அதிகாரிகள் தெரிவித்தனர்.
