தமிழக வெற்றிக் கழகத்தின் மாவட்ட செயலாளர்களின் பட்டியல் வெளியிடப்பட்டு, அதில் விஜயின் தீவிர முடிவுகள் எதிரொலிக்கின்றன. பல நிர்வாகிகள் மேலதிக பதவிகளை கோரிய போதிலும், “ஒருவருக்கு ஒரு பதவி” என்ற நிபந்தனையை அவர் கடுமையாக செயல்படுத்தியுள்ளார்.
விஜயின் தலைமையில் கட்சியின் நடவடிக்கைகள் வேகமெடுத்துள்ளன. பரந்தூர் விமான நிலைய எதிர்ப்பு, புத்தக வெளியீட்டு விழா உள்ளிட்ட நிகழ்வுகளில் அவர் மக்கள் மத்தியில் முக்கிய இடத்தை பிடித்துள்ளார். மண்டல, மாவட்ட, நிர்வாக குழு பதவிகளை இணைத்து தர வேண்டும் என்ற நிர்வாகிகளின் கோரிக்கையை அவர் முற்றிலும் நிராகரித்துள்ளார்.
இது பலருக்கு அதிர்ச்சியாக இருந்தாலும், கட்சியின் வளர்ச்சிக்காக இளைஞர்களுக்கு வாய்ப்பு வழங்க வேண்டும் என்பதில் அவர் உறுதியாக இருக்கிறார். தொடர்ந்து மாவட்ட செயலாளர்களின் பட்டியல் வெளியாவதுடன், கட்சியின் அனைத்து அணிகளுக்கும் முக்கிய பொறுப்புகள் வழங்கப்பட உள்ளன. எதிர்கால தேர்தல்களை முன் வைத்தே விஜய், கட்டுப்பாடுகளை உறுதியாகப் பிடித்துள்ளார்.
