சென்னை: பெங்களூரு மாநகராட்சி மற்றும் பிற தொழிற்சாலைகளில் இருந்து நுரை போன்ற, நச்சுத்தன்மை வாய்ந்த ரசாயனக் கழிவுகள் தென்பெண்ணை ஆற்றில் கலக்கப்படுவதாக தகவல்கள் வெளியாகியுள்ளன. இந்த விவகாரத்தை பசுமைத் தீர்ப்பாயம் தாமாக முன்வந்து விசாரணைக்கு எடுத்துக் கொண்டது.
பசுமைத் தீர்ப்பாய நீதித்துறை உறுப்பினர் புஷ்பா சத்தியநாராயணா மற்றும் நிபுணர் உறுப்பினர் சத்ய கோபால் ஆகியோர் முன் விசாரணைக்கு வந்தது. அப்போது, உடனடியாக வெளியிடப்பட்ட தீர்ப்பின் அடிப்படையில் கர்நாடக தலைமைச் செயலாளரிடம் அறிக்கை தாக்கல் செய்யப்பட்டது. அதில் பின்வருமாறு கூறப்பட்டுள்ளதாவது:-
மாசுபாட்டை ஏற்படுத்தும் தொழிற்சாலைகள் மீது நடவடிக்கை எடுக்கப்பட்டுள்ளது. தென்பெண்ணை ஆற்றின் நீர்ப்பிடிப்புப் பகுதிகளில் 12 கழிவுநீர் சுத்திகரிப்பு நிலையங்களை அமைக்க திட்டமிடப்பட்டுள்ளது. 4 கழிவுநீர் சுத்திகரிப்பு நிலையங்களுக்கான பணிகள் டிசம்பர் மாதத்திற்குள் நிறைவடையும்.
மீதமுள்ள சுத்திகரிப்பு நிலையப் பணிகள் டிசம்பர் 2027-க்குள் நிறைவடையும் என்று அது கூறியது. அறிக்கையை ஆராய்ந்த நீதிமன்றம், தென்பெண்ணை ஆற்றில் நச்சுக் கழிவு நீர் கலப்பதைத் தடுக்க உடனடியாக எடுக்க வேண்டிய நடவடிக்கைகள் குறித்து அறிக்கை தாக்கல் செய்யுமாறு கர்நாடக தலைமைச் செயலாளருக்கு உத்தரவிட்டு, விசாரணையை நவம்பர் 14-ம் தேதிக்கு ஒத்திவைத்தது.
