பெங்களூரு: அமெரிக்க தொழிலதிபர் எலான் மஸ்க்கின் சமூக வலைதள நிறுவனமான எக்ஸ் நிறுவனம், மத்திய அரசுக்கு எதிராக கர்நாடக உயர் நீதிமன்றத்தில் மனு தாக்கல் செய்துள்ளது. அதில் கூறப்பட்டுள்ளதாவது:- தகவல் தொழில்நுட்ப சட்டத்தின் 69ஏ பிரிவின் கீழ் ஆன்லைனில் பதிவிடப்படும் கருத்துகளை நீக்குவது தொடர்பாக மத்திய அரசு உத்தரவு பிறப்பிக்க வேண்டும். ஆனால் பிரிவு 79(3)(b)ன் கீழ் உரிய நடைமுறைகளை பின்பற்றாமல் ஆன்லைன் பதிவுகளை நீக்க மத்திய அரசு உத்தரவிட்டுள்ளது.
மத்திய அரசு சட்ட நடைமுறைகளை பின்பற்றாமல் சட்டவிரோதமான மற்றும் கட்டுப்பாடற்ற தணிக்கை முறைகளை பின்பற்றுகிறது, இது பேச்சு மற்றும் கருத்து சுதந்திரத்திற்கு எதிரானது. ஐடி சட்டம் பிரிவு 79(3)(பி)ன் கீழ் ஆன்லைன் பதிவுகளை நீக்க அதிகாரிகளுக்கு உத்தரவிட்டதன் மூலம் எழுத்துப்பூர்வமாக விளக்கம் அளிப்பது, உரிய விசாரணை நடத்துவது என பல்வேறு நடைமுறைகள் புறக்கணிக்கப்படுகின்றன.
ஆன்லைன் நிறுவனங்களை தணிக்கை செய்வதற்கான ஒரு கருவியாக மத்திய அரசால் உருவாக்கப்பட்ட சஹ்யோக் போர்டல், இதில் உறுப்பினராக இல்லை. இது போர்ட்டலில் சேராததற்குக் காரணம், சட்ட நடைமுறைகளைப் பின்பற்றாமல், உரிய கண்காணிப்பு நடத்தாமல் சில இடுகைகளை நீக்க அழுத்தம் கொடுக்கப்படுவதால் தான். எக்ஸ் படி, நீதித்துறை மேற்பார்வை இல்லாமல் ஆன்லைன் இடுகைகளைக் கட்டுப்படுத்த அரசாங்கத்தின் மற்றொரு முயற்சி இதுவாகும்.
