ஒவ்வொரு ஆண்டும் போல, இந்த ஆண்டும் விண்கல் மழை பூமியின் மீது பொழிய இருக்கிறது. இது ஆகஸ்ட் 12 மற்றும் 13 ஆம் தேதிகளில் நடக்கப்போகிறது. மேலும் இதனை வெறும் கண்களால் பார்க்க முடியும். விண்கல் மழை என்பது பொதுவாக வால் நட்சத்திரங்கள் பின்வைத்த தூசிகளை பூமி சந்திக்கும்போது உருவாகும். தற்போது, ஸ்விஃப்ட்-டட்டில் என்ற வால் நட்சத்திரத்தின் அருகே பூமி செல்லுமாறு அமைந்துள்ளதால், விண்கல் மழை அதிகமாக தெரியும் என விஞ்ஞானிகள் கூறுகின்றனர்.
ஸ்விஃப்ட்-டட்டில் வால் நட்சத்திரம் 133 ஆண்டுகளுக்கு ஒருமுறை சூரியனை சுற்றும், மேலும் இதன் பின்விளைவாக பூமிக்கு வந்த தூசிகள் மற்றும் சிறு கற்களை விடுவிக்கிறது. இதன் காரணமாக, இன்றும் நாளையும் இரவு மற்றும் அதிகாலை நேரங்களில், விண்கல் மழையை ரசிக்க முடியும். இந்த விண்கல் மழை ஆகஸ்ட் 24 வரை நீடிக்கும், ஆனால் இன்றும் நாளையும் அதிக அளவிலான பொழிவு இருக்கும்.
இந்த விண்கல் மழையை வடக்கு அரைகோளத்தில் உள்ள நாடுகளில் மட்டும் பார்க்க முடியும், அதில் இந்தியா அடங்கும். குறிப்பாக ஒளி மாசு குறைவாக உள்ள இடங்களில், ஒரு மணி நேரத்திற்கு 50-100 விண்கற்கள் பூமியை நோக்கி விழுப்பதைக் காணலாம்.
விண்கல் மழையைப் பற்றி ஒருவித அச்சம் இருக்கலாம், ஆனால் இது பூமிக்கே எவ்வித பாதிப்பும் ஏற்படுத்தாது, எனவே இதனை நிம்மதியாக பார்க்கலாம். தமிழ்நாட்டில், சென்னைக்கு அருகில் உள்ள ஏலகிரி, வாணியம்பாடி மற்றும் காவலூரில் உள்ள வைணு பாப்பு விண்வெளி ஆய்வகம் போன்ற இடங்களில், இதனை முழுமையாக ரசிக்க முடியும்.
