சென்னை: சென்னையில் இன்று பவுனுக்கு ரூ.320 உயர்ந்து ரூ.58,720 ஆக உள்ளது. சர்வதேச பொருளாதார நிலவரப்படி, இந்தியாவில் தங்கத்தின் விலை அவ்வப்போது ஏற்ற இறக்கம் ஏற்பட்டு, அதிகமாகவும், குறைவாகவும் விற்கப்படுகிறது.
கடந்த ஜூலை மாதம் பட்ஜெட்டில் தங்கத்தின் மீதான இறக்குமதி வரியை மத்திய அரசு குறைத்தது. இதன் காரணமாக அன்றைய தினம் மட்டும் தங்கம் பவுனுக்கு ரூ.2,200 ஆக குறைந்தது. தொடர்ந்து குறையும் என எதிர்பார்க்கப்பட்ட நிலையில் தங்கத்தின் விலை படிப்படியாக அதிகரிக்க தொடங்கியது.
தீபாவளி பண்டிகை நெருங்கி வரும் நிலையில் தங்கம் விலை உயர்ந்து வருகிறது. இந்நிலையில், இன்று சென்னையில் ஆபரணத் தங்கத்தின் விலை கிராமுக்கு ரூ.40 அதிகரித்து, ஒரு கிராம் ரூ.7,340-க்கு விற்பனை செய்யப்படுகிறது. ஒரு பவுன் ரூ.320 அதிகரித்து ரூ.58,720-க்கு விற்பனையாகிறது.
