2024-25 நிதியாண்டு தொடங்கியுள்ள நிலையில், 2025-26 மதிப்பீட்டு ஆண்டுக்கான வருமான வரி தாக்கல் செயல்முறையும் ஓராயிரமாக ஆரம்பமாகியுள்ளது. இதற்காக ITR-1 மற்றும் ITR-4 ஆகிய படிவங்களை ஆன்லைனில் தாக்கல் செய்ய முடியும். இந்த நிலையில், Form 16 மற்றும் Form 16A எனும் இரண்டு முக்கியமான டிடிஎஸ் சான்றிதழ்களின் பங்கு மிகவும் முக்கியமானதாகக் கருதப்படுகிறது. இவை இல்லாமல் வருமான வரி தாக்கல் செய்ய முடியாது என்பதைக் கவனத்தில் கொள்ள வேண்டும்.
படிவம் 16 என்பது, சம்பள அடிப்படையிலான வருமானத்துக்கு எதிராக TDS பிடித்தம் செய்யப்பட்டதற்கான சான்றாக செயல்படுகிறது. இதை நிறுவனங்கள் தங்கள் ஊழியர்களுக்கு வழங்குகிறன. இது வழக்கமாக ஆண்டு முடிவில் வழங்கப்படுகிறது. இதில் ஊழியரின் PAN, நிறுவனத்தின் TAN, காலாண்டு வாரியாக வரி பிடித்தம் செய்யப்பட்ட விவரங்கள், சம்பள விவரங்கள், மற்றும் பிரிவு 80Cன் கீழ் கிளைம் செய்யப்பட்ட குறைப்பு தொகைகள் உள்ளிட்டவை இருக்கும். இந்த தகவல்கள் TDS சுருக்கமாக Part A-யில் கொடுக்கப்பட்டிருக்கும். Part B-யில் சம்பளத்தின் முழுமையான விவரங்கள், HRA உள்ளிட்ட டிடக்ஷன்களும் சேர்க்கப்பட்டிருக்கும்.
அதேபோல, Form 16A என்பது சம்பளமல்லாத வருமானங்களுக்காக, குறிப்பாக வட்டி, கமிஷன், ரெண்ட் உள்ளிட்டவற்றுக்காக TDS பிடித்தம் செய்யப்பட்டதற்கான சான்றிதழாகும். இது வங்கி அல்லது நிதி நிறுவனத்தால் வழங்கப்படுகிறது. இதில் பரிமாற்றம் நடந்த தேதி, பிடித்தம் செய்யப்பட்ட தொகை, PAN மற்றும் TAN போன்ற விபரங்கள் அடங்கும்.
இந்த சான்றிதழ்கள், IT return தாக்கலுக்கான முக்கிய ஆதாரமாக விளங்குகின்றன. வருமான வரி தாக்கல் செய்யும் முன் Form 16 மற்றும் 16A ஆகியவற்றில் உள்ள தகவல்கள் Form 26ASல் உள்ளவையுடன் பொருந்துகின்றனவா என்பதை சரிபார்க்க வேண்டும். தவறான தகவல்கள் இருந்தால், அவற்றை சரி செய்து கொண்டு தாக்கல் செய்வதே சிறந்தது.
வருமான வரி தாக்கல் செய்வதற்கு அவசரப்பட வேண்டாம். தேவையான அனைத்து சான்றுகளையும் பெற்ற பிறகு, சரியான தகவல்களுடன் return தாக்கல் செய்ய வேண்டும். இது வருமான வரி கணக்கீட்டில் தவறுகள் ஏற்படாமல் தடுக்கும். சரியான Form 16 மற்றும் 16A சான்றுகள் உங்கள் வருமானத்தையும், TDS கட்டணத்தையும் தெளிவாக காட்டுவதால், ஒழுங்கான வரி தாக்கல் மற்றும் பணம் திரும்பப் பெறும் (refund) வாய்ப்புகள் மேம்படும்.
இதன் மூலம், வருமான வரி தாக்கலின் போது தேவையான முக்கியமான பதிவுகளைக் கவனமாக ஆய்வு செய்து, முழுமையாக நிரப்புவதன் மூலம், ஒரு பிரச்சனையின்றி உங்கள் ITR தாக்கலை முடிக்க முடியும்.
