சென்னை: சர்வதேச பொருளாதார சூழல் மற்றும் அமெரிக்க டாலருக்கு எதிரான இந்திய ரூபாயின் மதிப்பு ஆகியவற்றின் அடிப்படையில் தங்கத்தின் விலை நிர்ணயிக்கப்படுகிறது. அமெரிக்காவிற்கு இறக்குமதி செய்யப்படும் இந்தியப் பொருட்களுக்கு 50 சதவீத வரி விதிப்பு, டாலருக்கு எதிரான இந்திய ரூபாயின் மதிப்பு சரிவு, உக்ரைன்-ரஷ்யா போர், இஸ்ரேல்-ஹமாஸ் மோதல் போன்ற காரணிகளின் அடிப்படையில் தங்கத்தின் விலை நிர்ணயிக்கப்படுகிறது.
கடந்த மாதம் 26-ம் தேதி முதல் தங்கத்தின் விலை தொடர்ந்து உயர்ந்து வருகிறது. அக்டோபர் 1-ம் தேதி தங்கத்தின் விலை பவுனுக்கு ரூ.87,600 என்ற வரலாறு காணாத உச்சத்தை எட்டியது. நேற்று காலை ஒரு பவுனுக்கு ரூ. 560 குறைந்தது. நேற்று மாலை மீண்டும் தங்கத்தின் விலை பவுனுக்கு ரூ. 560 ஆக உயர்ந்தது.
இந்நிலையில், இன்று தங்கத்தின் விலை குறைந்துள்ளது. சென்னையில், 22 காரட் தங்க நகைகளின் விலை கிராமுக்கு ரூ. 110 குறைந்து, கிராமுக்கு ரூ. 10,840-க்கு விற்பனை செய்யப்படுகிறது. பவுனுக்கு ரூ. 880 குறைந்து, பவுனுக்கு ரூ. 86,720-க்கு விற்பனை செய்யப்படுகிறது. அதேபோல், 24 காரட் தங்கம் பவுனுக்கு ரூ. 960 குறைந்து, பவுனுக்கு ரூ. 94,608-க்கு விற்பனை செய்யப்படுகிறது.
இன்று, வெள்ளியின் விலை கிராமுக்கு ரூ. 3 குறைந்து, கிராமுக்கு ரூ. 161-க்கு விற்பனை செய்யப்படுகிறது. கட்டி வெள்ளியின் விலை கிலோவுக்கு ரூ. 3,000 குறைந்து, ரூ. 1,61,000-க்கு விற்பனை ஆகிறது.
